?????? ????? 1 [ അഗർത്ത ] (ѕι∂н) 151

അടുത്ത നിമിഷം മിന്നൽ വേഗത്തിൽ അവ മുകളിലേക്ക് പറന്നു മേഘങ്ങൾക്ക് ഇടയിൽ അപ്രത്യക്ഷമായി…….!!

 

ആ കാഴ്ച കണ്ട് ആശ്വാസത്തോടെ സൈനികർ നിലത്ത് ഇരുന്നു……… തങ്ങളുടെ ക്ഷീണം അകറ്റാനായി…….

 

****

യുദ്ധം മൂലം ഉണ്ടായ നാശനഷ്ടങ്ങൾ വളരെ വലുതായിരുന്നു…….

 

ഒരുപാട് ജീവനുകൾ പൊലിഞ്ഞു പോയി…… തങ്ങളുടെ നാടിനെ സംരക്ഷിക്കാൻ വീരമൃത്യു വരിച്ച സൈനികർക്കരോടുള്ള ബഹുമാനർത്ഥം ആദിയുടെ നിർദ്ദേശപ്രകാരം രാജാവ് യുദ്ധം നടന്ന സ്ഥലത്ത് ഒരു ശില സ്ഥാപിച്ചു മരിച്ചവരുടെ പേരുകൾ കൊത്തിയ ശില…..!!

 

വീടുകൾ കത്തി നശിച്ചവരുടെ വീട് പുതുക്കി പണിയാൻ ഉള്ള കാര്യങ്ങൾ എല്ലാം ഏറ്റെടുത്തു കൊണ്ട് എല്ലാത്തിലും മുന്നിലായി ആദി ഉണ്ടായിരുന്നു………

 

പക്ഷേ അതെ സമയം പാർത്ഥൻ തന്റെ ലക്ഷ്യത്തിലേക്കുള്ള അടുത്ത പടിയിലേക്ക് കടക്കുക ആയിരുന്നു….

 

ജനവാസ മേഖല കഴിഞ്ഞാൽ വലിയൊരു താഴ്‌വാരമാണ്….. വലിയ മലനിരകളോട് ചേർന്ന്…..

 

അതിനപ്പുറം മലയിലേക്ക് പോകാൻ പലരും മടിക്കാറുണ്ട്…… കാരണം ദുർമന്ത്രവാദികളുടെ വിഹാര കേന്ദ്രമാണ് ആ മല…..

 

അതിനേക്കാൾ ഉപരി അവർക്ക് കാവലായി രക്ഷസ ജീവികളും അവിടെ വിഹരിച്ചു കൊണ്ടിരിക്കുന്നു…….

 

പുറമെ നിന്ന് ഏതൊരു ആളുടെയും മനം നിറക്കുന്ന കാഴ്ചയാണ് അത്…….

 

സൂര്യൻ മലനിറകൾക്ക് ഇടയിൽ മറയുപുമ്പോൾ പുൽ നാമ്പുകൾ പോലും തിളങ്ങുന്ന കാഴ്ച……

 

ആ സമയം ആ മലനിരകൾ പ്രത്യേക ഭംഗിയായിരിക്കും…… ചുവന്ന നിറത്തിൽ മരങ്ങൾ തിളങ്ങും……

 

അതിന്റെ രഹസ്യം കണ്ട് പിടിക്കാൻ പോയവർ ആരും തിരിച്ചു വന്നിട്ടില്ല……..

 

അവരുടെ സമ്മതം ഇല്ലാതെ അങ്ങോട്ട് കടക്കുക തന്നെ ദുഷ്ക്കരം……..

 

സ്ത്രീകളെ ഉപദ്രവിക്കുന്ന അടിമകളെ പോലെ കാണുന്ന പുരുഷന്മാരോട് അവർക്ക് വർധിച്ച ദേഷ്യമാണ് ഉള്ളത്…..