❤️ എന്റെ ചേച്ചിപെണ്ണ് 2 ❤️ [The_Wolverine] 2024

“ഡാ ചെക്കാ… ഇനി നീ പിച്ചും പേയും പറഞ്ഞാൽ ഞാൻ ശെരിക്കും ഒന്നങ്ങട് വെച്ചുതരും കേട്ടോ…”

…ചേച്ചി ചെറിയ ശാസനയോടെ എന്നോട് പറഞ്ഞു…   ഞാൻ സ്വല്പം പേടിയോടെ ചേച്ചിയെ നോക്കി…

…ചേച്ചി പറഞ്ഞുതുടങ്ങി…

“ആദികുട്ടാ… ഇവൾ എന്റെ സഹോദരി ആടാ… പേര് മെർലിൻ… ഞങ്ങൾ ട്വിൻസ് ആണ്…”

…ഒന്ന് ദീർഘശ്വാസം എടുത്തുവിട്ടിട്ട് അച്ചു ചേച്ചി ചിരിയോടെ എന്നെ നോക്കിക്കൊണ്ട് പറഞ്ഞു…

…അപ്പോഴേക്കും മെർലിൻ ഒരു ഗ്ലാസ്സ് വെള്ളവും എടുത്തുകൊണ്ട് എന്റെ അടുത്ത് വന്നുനിന്നു…   അവൾ ആ ഗ്ലാസ്സ് എന്റെനേരേ നീട്ടി…   ഞാൻ അല്പം വിറയലോടെതന്നെ കൈനീട്ടി ആ ഗ്ലാസ്സ് വാങ്ങിച്ചു…   മെർലിൻ ഒരു വല്ലായ്മയോടെ എന്നെ നോക്കി…   സങ്കടമാണ് അവളുടെ മുഖത്ത്…   അവൾ ഇരുകൈകളും കൂട്ടിപിണച്ചുകൊണ്ട് ഞങ്ങൾക്ക് മുമ്പിൽ നിന്നു…   ഞാൻ രണ്ടുപേരെയും മാറിമാറി നോക്കി…   ഒരു വ്യത്യാസം പോലുമില്ല രണ്ടുപേർക്കും…