❤️ എന്റെ ചേച്ചിപെണ്ണ് 2 ❤️ [The_Wolverine] 2025

“ശെരിക്കും വേദനിച്ചോ…”

…അതും പറഞ്ഞ് അവൾ എന്റെ കവിളിൽ തൊട്ടു…   അവളുടെ കണ്ണുകൾ നിറഞ്ഞൊഴുകാൻ തുടങ്ങി…

…പെണ്ണ് കരഞ്ഞ് കുളമാക്കാനുള്ള പരിപാടിയാണെന്ന് എനിക്ക് മനസ്സിലായി…   ഇത്രയും നേരം ആരും അറിയാതെ ഞാൻ കൊണ്ടുനടന്നത് ഒറ്റയടിക്ക് പെണ്ണ് തകർത്ത് തരിപ്പണം ആക്കുമെന്ന് എനിക്ക് തോന്നി…

“ഇങ്ങുവന്നേ താൻ…”

…ഞാൻ അവളുടെ കൈയിൽ പിടിച്ചുവലിച്ച് എന്നോട് അടുപ്പിച്ചിട്ട് അവളുടെ ഇരുകണ്ണുകളിൽ നിന്നും ഒഴുകിയിറങ്ങുന്ന മിഴിനീർകണങ്ങൾ എന്റെ വലതുകൈവെള്ളകൊണ്ട് ഒപ്പിയെടുത്തു…  

…ഒരു അടി പ്രതീക്ഷിച്ചുനിന്ന എന്നെ ഞെട്ടിച്ചുകൊണ്ട് അവൾ എന്നെ ഇറുക്കി കെട്ടിപ്പിടിച്ചു…   എന്റെ നെഞ്ചിൽ തലവെച്ചുനിന്നുകൊണ്ട് അവൾ എങ്ങലടിച്ച് കരഞ്ഞു…  

…പെട്ടെന്ന് സ്വബോധം വീണ്ടെടുത്ത ഞാൻ അവളെ എന്റെ ദേഹത്തുനിന്നും അടർത്തിമാറ്റിയിട്ട് എന്റെ കൈയിൽ ഉണ്ടായിരുന്ന തോർത്ത്‌ അവളുടെ തോളിൽ ഇട്ടിട്ട് പുറത്തേക്ക് നടന്നു…  

…പിന്നെ അധികനേരം അവിടെ ചുറ്റിപ്പറ്റി നിൽക്കാതെ ഞാൻ നേരേ റൂമിലേക്ക് പോയി…