❤️ എന്റെ ചേച്ചിപെണ്ണ് 2 ❤️ [The_Wolverine] 2024

“എനിക്ക് ഇവിടെ ഒരു അനിയൻ ഇണ്ടെന്ന് മാത്രമേ ഞാൻ ഇവളോട് പറഞ്ഞിരുന്നുള്ളൂ നിന്റെ ഒരു ഫോട്ടോ പോലും ഞാൻ ഇവൾക്ക് കൊടുത്തിട്ടില്ല… അതുപോലെതന്നെ ആദികുട്ടനോടും ഞാൻ എനിക്ക് ഒരു സഹോദരി ഇണ്ടെന്നും അവൾ ബാംഗ്ലൂർ ആണ് പഠിക്കുന്നതെന്നും മാത്രമേ പറഞ്ഞിട്ടുള്ളൂ… ഞങ്ങൾ ട്വിൻസ് ആണെന്നോ എന്തിന് മിച്ചുവിന്റെ ഒരു ഫോട്ടോപോലും ഞാൻ ഇവന് കാണിച്ചുകൊടുത്തിട്ടില്ല… നിങ്ങൾക്ക് രണ്ടാൾക്കും ഒരു സർപ്രൈസ്‌ തരാന്നാണ് ഞാൻ കരുതിയത്… അത് ഇങ്ങനെയും ആയി… ഇങ്ങനെയൊക്കെ സംഭവിക്കും എന്ന് ഞാൻ കരുതിയിരുന്നില്ല… സോറി ട്ടോ…

…അച്ചു ചേച്ചി ഞങ്ങളെ രണ്ടുപേരെയും നോക്കി പറഞ്ഞിട്ട് കണ്ണുതുടച്ചു…

…അതുകണ്ടിട്ട് എനിക്ക് ആകെ സങ്കടം ആയി…   ഞാൻ ചേച്ചിയുടെ കൈയിൽ മുറുക്കെ പിടിച്ചു…   മിച്ചുവും വന്ന് അച്ചുവിനോട് ചേർന്ന് ഇരുന്നു…   രണ്ടുപേരും ചെറുതായിട്ട് എങ്ങലടിക്കുന്നുണ്ട്…   ഇരട്ട സഹോദരിമാർ സ്വതവേ അങ്ങനെയാണല്ലോ…   ഒരാൾ കരഞ്ഞാൽ മറ്റവളും കരയും,   ഒരാൾ ചിരിച്ചാൽ മറ്റവളും ചിരിക്കും…