❤️ദേവൻ ❤️part 15 [Ijasahammed] 195

തള്ളിമാറ്റി കൊണ്ട്
പറഞ്ഞുതീർന്നതും ആ ചുണ്ടിലൊരു ചിരിവിരിയുന്നത് ഞാൻ കണ്ടു…

അന്ന് കയ്യിലടിച്ചു സത്യം ചെയ്തതാണ് ഇനി വലിക്കില്ലാന്ന്…

വീണ്ടും തുടങ്ങിയിരിക്കുന്നു..

അത്രമേൽ തകർന്നടിഞ്ഞിരിക്കുന്ന ഒരുവൻ ഇതിലഭയം തേടിയതിൽ തെറ്റില്ല…

എങ്കിലും…

അത് പറഞ്ഞുതിരുത്തേണ്ടത് എന്റെ കടമയല്ലേ ഞാൻ ആലോചിച്ചു…
ഇല്ല.. ഇനി
തിരുത്താനുള്ള ധൈര്യംഅല്പം പോലും ഇന്ന് ഇല്ല…

ആ ജീവിതത്തിലിനിയൊരു തിരുത്തലിനും ഏട്ടൻ ആഗ്രഹിക്കുന്നില്ല… മാറ്റം വരുത്താൻ ശ്രമിക്കുകപോലുമില്ല…

കാരണം…

അന്ന് ഏട്ടൻ പറഞ്ഞവാക്കുകൾ മനസ്സിലേക്ക് കടന്നുവന്നു…

“അങ്ങനെയൊരു താലിമാല ഞാൻ കൊടുന്നിട്ടാൽ ആ താലിമാലക്ക് അധികം ആയുസ്സ് കാണില്ല നീ ഓർത്തോ…””

മനസ്സിൽ വീണ്ടും ആ നോവനുഭവപ്പെട്ടതും ഞാനറിയാതെ എന്റെ കൈവിരലുകൾ ആ ശങ്ക് മുദ്രമേൽ പിടി അമർത്തിയിരുന്നു…

വേണ്ട.., ചിന്തകൾക്ക് ഇടം കൊടുക്കാതിരിക്കുന്നതാണ് എന്ത്കൊണ്ടും നല്ലത്..

അത്രമേൽ ആഗ്രഹിച്ച നിമിഷങ്ങളിലൂടെയാണ് കടന്നുപൊയ്ക്കൊണ്ടിരിക്കുന്നത്… വേദനയിലും ആഹ്ലാദിക്കാൻ.., ഒരല്പം ആശ്വസിക്കാൻ അത് ഓർത്താൽ മതി…
ഒന്നും നടക്കില്ലെന്ന വിശ്വാസത്തെയെല്ലാം തെറ്റിച്ചുകൊണ്ട് ഇന്ന് ഇവിടം വരെ എത്തി നിന്നിരിക്കുന്നു…

അസ്വസ്ഥയാവാൻ പാടില്ല…

കൈവിട്ടുപോകുകയാണെന്നറിഞ്ഞിട്ടും നഷ്ടപ്പാടിന്റെ വേദനയിലും ഓരോദിനങ്ങളും തള്ളിനീക്കികൊണ്ടിരിക്കുന്ന ഒരുവന്റെ ഭാര്യയാണ് ഞാനിന്ന്…
പാടില്ല…

ചിന്തകളിലൂടെ പോലും ഭാവിയെ ഓർത്തുഭയക്കരുത്..

“ഒരുദിവസമെങ്കിൽ ഒരുദിവസം ആ താലിചരട് കൂട്ടിനുണ്ടായാൽ മതി… അതിൽ പരം ഒന്നും ഞാനാഗ്രഹിക്കണില്ല..”