❤️ദേവൻ ❤️part 15 [Ijasahammed] 195

എന്ന് മുതൽക്കാണാവോ ഈ ശീലം വീണ്ടും തുടങ്ങിയത്… ഒരിക്കെ പറിച്ചുമാറ്റിയതായിരുന്നു ആ ശീലം .. ഇപ്പൊ വീണ്ടും..

ചുണ്ടിലെ കറുപ്പ് കണ്ടപ്പോൾ ഊഹിച്ചു.., തെറ്റിയില്ല…

ശ്വാസം മുട്ട്ണ്ടായിട്ടും അച്ഛന് എത്രവലിച്ചാലും മതിയാകാത്ത ഈ സാധനം പണ്ട് മുതൽക്കേ അറപ്പ് ആയിരുന്നു..
എന്നും ഇതും പറഞ്ഞു വഴക്ക് കൂടുന്ന അമ്മയെ കണ്ടപ്പോ ഒറപ്പിച്ചതാ ഈ ശീലം ഉള്ള ഒരുത്തനെ വേളികഴിക്കില്ലാന്ന്…

“ദേവേട്ടൻ വലിച്ചിട്ടുണ്ടോ…?? ”

ഓർമ്മകൾ നാല്കൊല്ലം മുമ്പുള്ള ഒരു ദിവസത്തിലെത്തി നിന്നു…

അടുത്ത് വന്നിരുന്ന ദേവേട്ടന്റെ മുഖം അടുത്തേക്ക് പിടിച്ചു ഞാൻ ചോദിച്ചു…

“ഇല്ലല്ലോ… “”

“ദേ… നൊണപറഞ്ഞാൽ ഞാൻണ്ടല്ലോ..
ചുണ്ട് നോക്കി ഒരുകുത്തങ്ങുവെച്ചുതരും പറഞ്ഞേക്കാം…

എത്ര വട്ടം പറഞ്ഞിട്ട് ണ്ട് ഇത് വലിക്കാൻ നിക്കരുത് ന്ന്.., “”

മുഖം ചുള്ക്കി ചോദിച്ചു…

“ആ ഒരെണ്ണം വലിച്ചു.. ന്തേ.?? “”

“ന്തേന്നോ…??

ആ എന്നർത്ഥത്തിൽ മീശപിരിച്ചു എന്നെ നോക്കികൊണ്ട് നിൽക്കുന്ന ദേവേട്ടനോട് ഞാൻ ചോദിച്ചു

“അന്ന് പറഞ്ഞതല്ലേ ഇനി ഇത് തൊടില്ലാന്ന്.. ”

“എന്ന്….??? ”

“അന്ന് ……. അപ്പൊ.., ”

“ആ ബോധല്ലാത്ത നേരത്തങ്ങനെക്കെ പറഞ്ഞൂന്ന് ഇരിക്കും.. അതൊക്കെ കേറി വിശ്വസിക്കാൻ നിക്കണോ.. !!”

ചെറിയൊരു ചുംബന കഥഓർത്തെടുത്തു കൊണ്ട് ചിരിച്ചു മറുപടി എന്നോണം എന്നോട് പറഞ്ഞത് കേട്ട് ഞാൻ കണ്ണ് മിഴിച്ചു..

“അതേയ് ചുണ്ടിലിനിവേറെ വെല്ലോം വെച്ചൂന്ന് ഞാനറിഞ്ഞാ പിന്നെ അതും വച്ചങ്ങു നടന്നാമതി…
പിന്നെ ന്റെ അടുത്തക്ക്
വരാൻ നിക്കണ്ട പറഞ്ഞേയ്ക്കാ… !!'””