❤️ദേവൻ ❤️part 15 [Ijasahammed] 195

എല്ലാം അവള് കാണുന്ന്ണ്ടാകും…
അനുഗ്രഹിക്കുന്ന്ണ്ടാക്കും..

മഴയുടെ ശക്തികൂടിയതായി തോന്നി…
അകത്തേക്ക് കയറി ആദ്യം ചെന്നത് അവളുടെ മുറിയിലേക്ക് ആയിരുന്നു….

എനിക്ക് മുന്നേ നടന്നു തെക്കേമുറിയിലേക്ക് പോയ ദേവേട്ടനെ ആ ബെഡിൽ ഇരുന്നു കൊണ്ട് ഓർത്തു…

ഒരു ദീർഘനിശ്വാസത്തോടെ ചുവരിൽ തൂക്കിയിട്ട ആ ഫോട്ടോക്ക് അരികിലേക്ക് പതുക്കെ നടന്നു…
മനസ്സ് അവളോടായി എന്തെക്കെയോ പറയാൻ വെമ്പി..
സന്തോഷമായാലും സങ്കടമായാലും ആദ്യം വന്നുപങ്കുവച്ചിരുന്നത് അവളോടായിയിരുന്നു…

“അവസാനം കിട്ടി നിക്ക് നെന്റെ ഏട്ടനെ..
നീയ് പറഞ്ഞ പോലെ നെന്റെ ഏട്ടത്തിയമ്മആയി..
പക്ഷെ ഇപ്പഴും നീയ് ണ്ടാക്കി വെച്ചുപോയ ആ ശൂന്യത ഇപ്പഴും ആ മനസ്സിൽന്ന് പോയിട്ടില്ല…
താലിചാർത്തിയെങ്കിലും മനസ്സ് കൊണ്ട് ന്നെ നെന്റെ ഏട്ടൻ സ്വീകരിച്ചിട്ടില്ല.. നിക്കറിയാം..

ന്നാലും സാരല്ല്യ..
അടുത്തുണ്ടാവൂലോ.. അത് മതി…, !”””

താലിമേൽ പിടിച്ചു കൊണ്ട് ആ ഫോട്ടോയിലേക്ക് കണ്ണ് പതിപ്പിച്ചുകൊണ്ട് മനസ്സിലായി മൊഴിഞ്ഞു…

കേൾക്ക്ണ്ടാകുംഅടുത്തിരിന്നട്ട് ..
എന്റെ അടുക്കലല്ലാതെ അവള് വേറെ എവിടെ പൂവ്വാനാണ്… !!

ഒരിക്കൽ ദേവേട്ടൻ അവളോട് കളിയാക്കി പറഞ്ഞത് ഓർമ്മവന്നു…

“നീയിള്ളഇടത്തു ണ്ടാകും അവള് വാല് പോലെ പിന്നാലെ… “”

“ആ ഏട്ടനും അതേലോ..
ണ്ടാവും എപ്പഴും അവള്ടെ പിന്നാലെ… ”

അതിന് മറുപടിഎന്നോണം അവള് പറഞ്ഞത് കേട്ട് ഞെട്ടിയത് ശെരിക്ക് ഏട്ടനാണ് ന്ന് മാത്രം..

അത് കേട്ട് അവളെ തല്ലാൻ കയ്യോങ്ങിയ ഏട്ടന്റെ മുഖഭാവം കണ്ട് അന്നെത്ര ചിരിച്ചെന്ന് അറിയില്ല….

ഇന്നും അതേ ചിരി മുഖത്തു വിരിഞ്ഞു…
പക്ഷെ കൂടെ കണ്ണ് നിറഞ്ഞൂന്ന് മാത്രം..

കുറച്ചു നേരത്തിനു ശേഷം എഴുന്നേറ്റ് രാവിലെ അഴിച്ചിട്ടു പോയ ധാവണി എടുത്തുകൊണ്ട് പിന്നാംപുറത്തെ കുളിമുറി ലക്ഷ്യാക്കി നടക്കുമ്പോൾ തെക്കേമുറിയിലിരുന്നു സിഗരട്ടുവലിക്കുന്ന ദേവേട്ടനെ കണ്ടില്ലെന്ന് നടിച്ചു…