❤️ദേവൻ❤️part 23 [Ijasahammed] 166

 

“ഹാ iam fine now..!!”

 

“എന്താ ഈ രാത്രിയില് എന്റെ മെസ്സേജ് കണ്ടു വിളിക്കാണോ..?”

സംഭാഷണംനീണ്ടു..

 

ആ ശബ്ദം വീണ്ടും വീണ്ടും ചെവിയിൽ തുളച്ചുകയറി..

 

 

“എന്നാൽ നാളെ ഞാൻ വരാം ഫ്ലാറ്റിലോട്ട്..”

 

“നോ.. അത് വേണ്ടാ.. അവള് നാളെ ലീവ് ആണ്..

So നമുക്ക് ഏതേലും ബെറ്റർ place നോക്കാം..!!”

 

ഒടുവിൽ ഒരു തീരുമാനത്തിൽ എത്തി ഞാൻ ഫോൺ കട്ട്‌ ചെയ്തു….

 

നാളെ.. കാത്തിരുപ്പുകൾ അവസാനിക്കുകയാണ്..

 

ഒന്നുകിൽ നാളെ എല്ലാത്തിന്റെയും തുടക്കം..

അല്ലെങ്കിൽ

ശിവാനിയുടെ തന്നെ ഒടുക്കം…

വിയർപ്പ് തുള്ളികൾ നെറ്റിത്തടത്തിൽ രൂപപ്പെട്ടു അവ മുഖത്തെ പൊള്ളിച്ചു കൊണ്ട് താഴോട്ടിറങ്ങി…

 

ഞാൻ വയറിൽ തലോടി…

ആ കുഞ്ഞു മുഖമൊന്നുകാണാൻ സാധിച്ചെങ്കിൽ മനസ്സ് വല്ലാതെ തുടിച്ചു..

 

രണ്ട് മാസം മാത്രമായ ആ കുഞ്ഞ് ശരീരം ഇപ്പോൾ എന്നെ പോലെ തന്നെ പേടിക്കുന്നുണ്ടാകാം വേണമെങ്കിൽ..