✮കൽക്കി࿐ (ഭാഗം – 27) വിച്ചു [ചെകുത്താനെ സ്നേഹിച്ച മാലാഖ ] 1021

ഇതേ സമയം ആദിയെ ചവിട്ടി തള്ളിയിട്ട അർഷിത് അവനെത്തന്നെ നോക്കി നിൽക്കുകയാണ് ദേഷ്യം നുരഞ്ഞ് പൊന്തുന്ന ഭാവത്തോടെ …
അപ്പോഴേക്കും ഭാർഗവരാമനും മക്കളും കുടുംബത്തിലെ മറ്റുള്ളവരും എല്ലാം അവിടെ ഒരു ഭാഗത്തായി എത്തി …അപ്പോഴാണ് ചിലർ ജീവനറ്റും മറ്റ് ചിലർ ഒന്ന് എഴുന്നേൽക്കാൻ പോലും കഴിയാതെ നിലവിളിച്ചു പലയിടത്തായി ചിതറി കിടക്കുന്നതവർ കണ്ടത് . അവർ ചുറ്റിലും നോക്കി അപ്പോഴാണ് തങ്ങൾക്ക് എതിർ വശത്ത് ആൾക്കൂട്ടത്തോടൊപ്പം അനുവും അവന്തികയും ദക്ഷയും നിൽക്കുന്നത് കണ്ടത് , ആ കാഴ്ച കണ്ട് അവർക്കൊരൽപ്പം ആശ്വാസമായി .

” ഇതിപ്പോ സ്ഥിരമാ എല്ലാ തവണയും , അടിപിടിയും ബഹളവും കൊലകളും …. ക്ഷേത്ര കാര്യമായതുകൊണ്ട് പോലീസിനും ഇവിടെ സ്ഥാനമില്ല , അല്ലെങ്കിലും അവരൊക്കെ ഉണ്ടായിരുന്നിട്ടും കാര്യമില്ല . ഈ പോക്കാണെങ്കിൽ നാട് തമ്മിലടിച്ച് തീരുന്ന മട്ടിലാ . പക്ഷെ ഇത്തവണ ഇത്രയും പേർ തമ്മിലടിച്ച് ചാവാനും മാത്രം എന്താ …. വീണു കിടക്കുന്നത് മുഴുവൻ ജഗന്നാഥിന്റെ ആൾക്കാരാ , ഏതാ ആ മുഖം മറയ്ച്ച പയ്യൻ … ”

ശേഖരൻ സംശയത്തോടെ പറഞ്ഞതും ….

” ഏട്ടാ ഇവനെ ഞാൻ എവിടെയോ കണ്ടത് പോലെ … ആ … അന്ന് കാലഭൈരവൻ ക്ഷേത്രത്തിൽ വച്ച് ആ പെൺകുട്ടിയെ രക്ഷിച്ചത് ഇവനാ …. ”

ജയന്തി ഉടനെ പറഞ്ഞു ….
എല്ലാവരെയും പോലെ അവരും നോക്കി നിൽക്കുകയാണ് എന്താണ് നടക്കുക എന്നറിയാനായി …

അപ്പോഴേയ്ക്കും ,