⚔️ദേവാസുരൻ⚒️12【Ɒ?ᙢ⚈Ƞ Ҡ???‐??】 2231

ആ രൂപം അവൾക്ക് നേരെ ഉറക്കെ അലറി……
പാർവതി പെട്ടെന്ന് സ്തംഭിച്ചു പോയി….

,,,,, നീ എന്ത് തന്നെ ചെയ്താലും…….
എന്ത് തന്നെ പറഞ്ഞാലും നടക്കേണ്ടത് നടക്കും….
ഇതാണ് വിധി……..
നിങ്ങളുടെ ഒത്ത് ചേരൽ തായ് പെട്ടകത്തിന്റെ വിധി പുസ്തകത്തിൽ എഴുതിയതാണ്……
അത് നടന്നിരിക്കും…..'””

,,,,തായ് പെട്ടകമോ……….
അതെന്താ…..
എന്റെ വിധി നിശ്ചയിക്കാൻ അതിന് എന്ത് അധികാരം……..'””

പാറു ദേഷ്യത്തിൽ അലറി…..

,,,,, അത് നിനക്ക് വഴിയേ മനസ്സിലാകും പാറു…….
വിധി…….
അത് നടന്നുതന്നെ ആവും….
നിന്റെ സ്വപ്നങ്ങൾ സത്യമാകും…..

എല്ലാരും മരിക്കും…..
നീ സ്നേഹിക്കുന്നവർ…..
നിന്നെ സ്നേഹിക്കുന്നവർ……
നീ വെറുക്കുന്നവർ……
എല്ലാരും….. എല്ലാരും…………

ഈ ലോകം മുഴുവൻ ശവ കല്ലറ ആവും…….

ഒരു നേരെ ആഹാരം കിട്ടുവാൻ ജീവനോടെ ഉള്ളവർ ഓടും…..
മനുഷ്യൻ മനുഷ്യനെ തന്നെ കൊന്ന് തിന്നും…..

ഈ ലോകം അവസാനിക്കും…….
ഈ സൃഷ്ട്ടി അവസാനിക്കും…….

ഇവിടം നരകമാകും…….

അവൻ വരുന്നുണ്ട്…….

ചെകുത്താൻ…….

ഈ സൃഷ്ടിയുടെ അന്തകൻ…..

ദൈവത്തിന്റെ ശത്രു………

DEMON KING……….

താങ്ങില്ല ആരും അവനെ…….

അവൻ മരണമില്ലാത്തവൻ ആണ്……..
അവനെ എതിർക്കാൻ ഒരേ ഒരു ശക്തിക്കെ ആവു…..

പക്ഷെ ആ ശക്തിയും ഒരു സ്ഥിരത ഇല്ലാത്തവൻ ആണ്…….

ദേവാസുരൻ…………

ഒന്നുകിൽ സംരക്ഷിക്കും…..

അല്ലെങ്കിൽ നശിപ്പിക്കും………

അവൻ നാശമാണ് പാറു……..

ഒപ്പം സംരക്ഷകനും………

അവനെ മാറ്റാൻ ഈ ലോകത്ത് ഒന്നിനെ കഴിയൂ……

നിനക്ക് മാത്രം………

നീ അവന്റെ ഇണ ആവണം……..
അത് ആവുക തന്നെ ചെയ്യും……..

ബാക്കി കണ്ടറിയണം പാറു……..

കാരണം ഈ കളി മരണം ഇല്ലാത്തവനായിട്ടാണ്……..

മരണത്തിന്റെ ദേവനുമായി……..'””””

ആ രൂപം പറഞ്ഞു നിർത്തി……
അവളിലെ ഓരോ വാക്കും പാറുവിൽ ഭീതി നിറച്ചു….
ഈ വാക്കുകളുടെ ഒരോ രേഖ ചിത്രങ്ങൾ അവൾ സ്വപ്നത്തിൽ കണ്ടതാണ്…..

ഓർക്കാൻ കൂടെ അവൾ പേടിക്കുന്ന സ്വപ്നം…..

,,,,, ഇതൊക്കെ സത്യമാണോ……

ഒരു തളർന്ന സ്വരത്തിൽ പാറു ആ രൂപത്തോട് ചോദിച്ചു…..

,,,,, അതേ……

,,,,, പക്ഷെ എന്തിന്……?

,,,, എല്ലാം നിനക്ക് വഴിയേ മനസ്സിലാവും …..
ഇന്ന്…..
ഇപ്പൊ….. നീ എല്ലാം മറക്കും….
എന്നെ കണ്ടത്……
ആ സ്വപ്നം……
അവന്റെ അടയാളങ്ങൾ…..
എല്ലാം………
ഭാവിയിൽ ഇതെല്ലാം നിനക്ക് ഓർമ വരുന്ന ഒരു ദിനം തീർച്ചയായും വരും…….
അത് വരെ സമാധാനമായി ജീവിക്കു……..'”””

ആ രൂപം പറഞ്ഞു നിർത്തി……
പാറു ഒന്നും പറഞ്ഞില്ല……
അവളൊരു നിർവികാരമായ പാവയെ പോലെ നിൽക്കുകയാണ്……

കാരണം മനസ്സും ശരീരവും അത്രയേറെ മരവിച്ചു കഴിഞ്ഞു….

ആ രൂപം പെട്ടെന്ന് തന്റെ കൈ നീട്ടി പിടിച്ചു……
അതിലൂടെ ഒരു സ്വർണ്ണ പ്രകാശം തിളങ്ങി….

പാറുവിന്റെ ശ്രദ്ധ അങ്ങോട്ട് തിരിഞ്ഞു…..

ആ പ്രകാശം അവസാനം ഒരു വാളായി മാറി…..

പാറു ഒന്നും മാനസ്സിലാവാതെ ആ രൂപത്തെ നോക്കി…….

,,,,, വിടവാങ്ങുന്നു പാർവതി……….
ഇനി ചിലപ്പോ ഒരിക്കലും കണ്ടെന്ന് വരില്ല……
നന്നായി ജീവിക്കു……..

ആ രൂപം അത്രയും പാറുവിന്റെ മുഖത്ത് നോക്കി പറഞ്ഞു…..
അവൾ പറഞ്ഞതൊന്നും പാറുവിന് മനസ്സിലായില്ല………

ആ രൂപം അവളെ നോക്കി അവസാനമായി ഒന്നുകൂടെ പുഞ്ചിരിച്ചു…..

അടുത്ത നിമിഷം അവൾ വേഗത്തിൽ തന്റെ കയ്യിൽ ഉള്ള വാള് പാറുവിന്റെ വയറിലേക്ക് കുത്തിയിറക്കി……