⚔️ദേവാസുരൻ⚒️ s2 ep11[Ɒ?ᙢ⚈Ƞ Ҡ???‐??] 3013

☠️38☠️

“” അപ്പൊ അവനെ കൊല്ലണം എന്നാണ് ഇയാൾ പറയുന്നത്……. അല്ലെ……'””

പാറു രുദ്രന്റെ മുഖത്തേക്ക് നോക്കി പറഞ്ഞു….
അവൻ അവളെ ഒന്ന് നോക്കി…..
ആ മുഖത്ത് അവനോടുള്ള അടങ്ങാത്ത കലിയുണ്ട്…… രുദ്രന്റെ ചുണ്ടിൽ ഒരു ചെറു ചിരി വിടർന്നു…..

‘”” വളരെ നന്നായി മനസ്സിലാക്കി കളഞ്ഞല്ലോ….
ഒരു കൊതുക് കടിക്കാൻ വന്നാൽ അതിനെ ഓടിച്ചു വിടുകയല്ല വേണ്ടത്….. അങ്ങനെ വിട്ടാൽ ആ കൊതു മറ്റൊരിടം തേടി കടിക്കും…. നേരെ മറിച്ച് അതിനെ അപ്പോൾ തന്നെ കൊല്ലുകയാണെങ്കിൽ പിന്നെ ഒരു ശല്യവും കാണില്ല…..'””

രുദ്രൻ അവളെ നോക്കി പറഞ്ഞു….

‘”” നിങ്ങള് എന്തായാലും ഞങ്ങളുടെ വിഷയത്തിൽ ഇടപെടണ്ടാ…..
അവരും താനും തമ്മിൽ വലിയ അന്തരമൊന്നും ഞാൻ കാണുന്നില്ല…..'””

പാറു അവനെ നോക്കി ഇഷ്ടക്കേടോടെ പറഞ്ഞു…. ഇന്ദുവിന് പാറുവിന്റെ ആ പെരുമാറ്റം ഒട്ടും ഇഷ്ട്ടമായിരുന്നില്ല… അവൾ ദയനീയമായി രുദ്രനെ നോക്കി….

അവൾ പറഞ്ഞതിൽ യാതൊരു വിഷമമോ ദേഷ്യമോ ഒന്നുമാ മുഖത്തില്ല….. വെറുമൊരു ചിരി മാത്രം……

.'”” ശരി……
നീ പറഞ്ഞ പോലെ ഞാനിതിൽ ഇടപെടുന്നില്ല… ഇപ്പോൾ വന്നത് ദേ ഇവൾക്ക് വേണ്ടി മാത്രാ….. രണ്ട് ദിവസം മുന്നേ വന്ന് തന്റെ അനിയത്തി എന്നെ ഒരു ഏട്ടനായാണ് കാണുന്നതെന്നൊക്കെ പറഞ്ഞു……'””

രുദ്രൻ അവളെ ചൂണ്ടിക്കാണിച്ചുകൊണ്ട് പറഞ്ഞു…. ഇന്ദുവിനത് കേട്ടപ്പോ ആകെ വല്ലാതായി….. അവൾ രുദ്രന്റെ കയ്യിലേക്ക് മുറുകെ പിടിച്ചു…..

‘”” സോറി ഏട്ടാ….. ചേച്ചി എന്തോ ദേഷ്യത്തിൽ…..'””

ഇന്ദു കഷമാപണത്തോടെ  പറഞ്ഞു….

‘”” ഹ ഹ ഹ ഹ…….
അത് കുഴപ്പമില്ല…… എനിക്ക് ഒരു വിഷമവുമില്ല….. പിന്നെ ഇവൾ പറഞ്ഞത് ശരിയാ…. ഞാനും അവരും തമ്മിൽ ഒരു അന്തരവുമില്ല …. അതെ പോലെ തന്നെയാണ് നിങ്ങളുടെ അച്ഛനും….. ആയ കാലത്ത് കൊറേ പേരെ കൊന്നവൻ തന്നെയല്ലേ അയാളും……'””

രുദ്രൻ പറഞ്ഞു…. അത് കേട്ടപ്പോ പാറു അവനെ കോപത്തോടെ നോക്കി…..
രുദ്രനത് കണ്ട് പുച്ഛത്തോടെ ചിരിച്ചു..

‘”” ഒരുപാടങ് തുറിക്കണ്ടാ…….
സത്യങ്ങൾ അല്പം കയ്പ്പ് തന്നെ ആവും….
എന്നാ പിന്നെ നിങ്ങള് കിടന്നു മോങ്ങിക്കോ…. അത് കുറക്കണ്ടാ….. ശിക്ഷിക്കാൻ മനസ്സില്ലാത്തവർക്ക് എന്നുമീ കണ്ണീർ തന്നെ കാണു….. അതിന് ഭംഗമൊന്നും വരുത്തണ്ട…..'””

രുദ്രൻ അത്രയും പറഞ്ഞ ശേഷം പുറത്തേക്ക് പോയി….. പാറുവിനാണെൽ അവൻ പറഞ്ഞത് കേട്ടപ്പോ ആകെ വിഷമവും ദേഷ്യവും എല്ലാം കൂടെ ചേർന്ന അവസ്ഥ ആയിരുന്നു……

☠️☠️☠️☠️☠️☠️☠️☠️☠️☠️☠️☠️

രുദ്രൻ പോയതിനു പിന്നാലെ അച്ചു ആ മുറിയിലേക്ക് കേറി വന്നു…..

‘”” ടീ ഇന്ദു….. അവനെന്താ പറഞ്ഞെ……'””

അച്ചു അവളോട് ചോദിച്ചു…..

‘” ഹേയ്….. ഒന്നുല്ല ചേച്ചി…..
ഏട്ടൻ ഞങ്ങളെ സമാധാനിപ്പിക്കാൻ വന്നതാ….'””

ഇന്ദു അല്പം പരുങ്ങലോടെ പറഞ്ഞു….. സത്യം അവളറിഞ്ഞാൽ വലിയ പ്രശ്നങ്ങൾ ഇവിടുണ്ടാവുമെന്ന് ഇന്ദുവിന് നന്നായി അറിയാം….

പാറു ഇപ്പോളും കോപത്തോടെയും സങ്കടത്തോടെയും ഒന്നും മിണ്ടാതെ ഇരിക്കുകയാണ്….

‘”” ആശ്വസിപ്പിക്കാനോ…. അവനോ…..'””

അച്ചു അതിശയത്തോടെ ചോദിച്ചു…. അതിനവൾ ഒന്ന് തലയാട്ടി അതെ എന്ന് പറയുക മാത്രമേ ചെയ്തിട്ടുള്ളു…..

‘”” കണ്ടോ…. ഇതാണ് രുദ്രൻ…..
അവനെത്രയൊക്കെ ദേഷ്യം കാണിച്ചാലും ഇവിടത്തെ ആർക്കെങ്കിലും ഒരു പ്രശ്നം വന്നാൽ എല്ലാം മറന്ന് മുന്നോട്ട് വന്ന് നിൽക്കും….
അവൻ നിങ്ങളെ മൈൻഡ് പോലും ചെയ്യാത്തത് കണ്ടപ്പോ ഞാൻ വിചാരിച്ചത് അവന് നിങ്ങളിവിടെ താമസിക്കുന്നത് ഇഷ്ട്ടമല്ലാ എന്നാ…..
എന്നാലും അങ്ങനൊന്നുമല്ല….
ഈ കുടുംബത്തിലെ ഒരാളായി കണ്ടതുകൊണ്ടല്ലേ നിങ്ങളെ അവൻ ആശ്വസിപ്പിച്ചത്….'””

അച്ചു പറഞ്ഞു…..
അവളുടെ സംസാരം ശരിക്കും പാറുവിൽ ദേഷ്യം ഉണ്ടാക്കുകയാണ് ചെയ്തത്…. കുറച്ചു മുന്നേ രുദ്രൻ ഇവിടെ കേറി വന്നപ്പോൾ മുതൽ അവളുടെ മനസ്സത്ര ശരിയല്ലായിരുന്നു….