⚔️ദേവാസുരൻ⚒️ s2 ep11[Ɒ𝝽ᙢ⚈Ƞ Ҡ𝖏𝞜𝙜‐𝘿𝞳] 3004

💀37💀

രുദ്രൻ പുറത്ത് പോയി വന്നതിനു ശേഷമാണ് കാര്യങ്ങൾ എല്ലാം അറിഞ്ഞത്…..

ഒന്നും നേരത്തെ വിളിച്ചു പറയാത്തത്തിൽ അവൻ ഇന്ദ്രനോട് ഒരുപാട് ചൂടായി…. ശേഷം മുറിയിൽ ഇരിക്കുന്ന അച്ചുവിനെ കാണുവാനായി ചെന്നു….

സത്യത്തിൽ അവളെ മാത്രമല്ല….. പാറുവിനെയും ഇന്ദുവിനെയും കൂടെ കാണാൻ തന്നെയാണ് അവൻ ചെന്നത്….

അവരുടെ മുറിയിലേക്ക് ചെല്ലുമ്പോൾ പരിക്ക് പറ്റിയ അച്ചു ഒരു കുഴപ്പവും ഇല്ലാതെ കൂൾ ആയിരിക്കയാണ്…..

പാറുവും ഇന്ദുവുമാകട്ടെ ആകെ തകർന്ന മട്ടിലാണ് ഇരുന്നിരുന്നത്….

രുദ്രൻ അവിടേക്ക് കേറി വരുന്നത് കണ്ടപ്പോളെ അവർ രണ്ടുപേരും എഴുന്നേറ്റ് നിന്നു…..

രുദ്രൻ അച്ചുവിന്റെ അടുത്ത് പോയി അവളുടെ കയ്യിൽ പറ്റിയ പരിക്ക് നോക്കി…..

‘””” അച്ചു…….
വേദന ഉണ്ടോടി…….'””

രുദ്രൻ ചോദിച്ചു….

‘””” കുഴപ്പില്ലടാ…….
അത്ര വലിയ മുറിവൊന്നുമല്ല……'””

അച്ചു പറഞ്ഞു….

“” വലിയ മുറിവല്ലാത്തത് കൊണ്ടാണല്ലോ കയ്യിങ്ങനെ കെട്ടിയിരിക്കുന്നെ…..
എന്നിട്ട് എന്നെയൊന്നു വിളിച്ചറിയിച്ചോ…. അതുമില്ല……. ‘”

രുദ്രൻ അല്പം ദേഷ്യത്തിൽ പറഞ്ഞു…..

‘””ഹാ…..ക്ഷമിക്ക് മാഷേ…..
ഒന്നും പറ്റിയില്ലല്ലോ…. പിന്നെ ഇവിടെ വന്നപ്പോ ഇവർ രണ്ടും നല്ല കരച്ചിലായിരുന്നു…… അപ്പൊ അവരെ സമാധാനിപ്പിക്കാൻ അങ്ങനെ നിന്നുപോയി……'”””

അച്ചുപറഞ്ഞു….. രുദ്രൻ അവരെ ഇരുവരേം ഒന്ന് നോക്കി…. പാർവതി യാതൊരു ഭാവവും ഇല്ലാതെ ഒരു പ്രതിമ പോലാണ് നിൽക്കുന്നത്…. കണ്ണൊക്കെ ആകെ കലങ്ങി ചുവന്നിരിപ്പുണ്ട്…..

ഇന്ദു ഇപ്പോഴും കരയുകയാണ്…..

“അച്ചു……
നീ തല്ക്കാലം ഒന്ന് പുറത്ത് നിൽക്ക്…. എനിക്കിവരോട് മാത്രമായി ഒന്ന് സംസാരിക്കാനുണ്ട്……'”””

രുദ്രൻ അവളെ നോക്കി പറഞ്ഞു….. അവനത് പറയുമ്പോ പാറു എന്തെന്ന് മനസ്സിലാവാതെ ആ മുഖത്തേക്ക് നോക്കുകയായിരുന്നു…..

അച്ചു എതിരൊന്നും പറയാതെ പുറത്തേക്ക് നടന്നു…..

രുദ്രൻ പതിയെ അവർക്കടുത്തേക്ക് ചെന്നു…. കരഞ്ഞുകൊണ്ടിരുന്ന ഇന്ദു അവനെയൊന്ന് നോക്കുക മാത്രം ചെയ്തു….. ആ മുഖം എന്തോ വല്ലാത്ത നോവമാണ് അവന് നൽകിയത്….

‘”” കരയണ്ടാ…..
നടന്നത് നടന്നില്ലേ……'””

രുദ്രൻ ഇന്ദുവിന്റെ തലയിൽ തലോടിക്കൊണ്ട് പറഞ്ഞു…..

‘” ഏട്ടാ….. അവർ ആ അങ്കിളിനെ കൊന്നു….
ഞങ്ങള് കാരണല്ലേ എല്ലാം……'””

ഇന്ദു അവനെ നോക്കി വേദനയോടെ മൊഴിഞ്ഞു…..
രുദ്രന് എങ്ങനെ അവരെ ആശ്വസിപ്പിക്കാം എന്ന് അറിയില്ലായിരുന്നു ……

” നിങ്ങളിവിടെ ഇരിക്ക്…..
പറയട്ടെ……'””

രുദ്രൻ പറഞ്ഞു…..
ഇന്ദു പതിയെ ആ ബെഡിലേക്ക് ഇരുന്നു… പാറു അപ്പോഴും നിൽക്കുകയാണ്….
രുദ്രൻ അവളെയൊന്ന് നോക്കി….

‘” എന്തെ ഇരിക്കുന്നില്ലേ……'””

രുദ്രൻ അവളെ നോക്കി ചോദിച്ചു….

‘” വേണ്ടാ… ഞാൻ ഇവടെ നിന്നോളാ……”

പാറു അല്പം ഇഷ്ടക്കേടോടെ പറഞ്ഞു…..
രുദ്രൻ നിർബന്ധിക്കാൻ പോയില്ല…. അവനവിടെ ഉണ്ടായിരുന്ന ഒരു ചെയർ വലിച്ച് അവിടെയിരുന്നു….. ശേഷം അവരെ രണ്ടിനെയും നോക്കി……

‘””നിങ്ങളിത് എത്രനാൾ ഇങ്ങനെ കൊണ്ടുനടക്കും…….
ഈ ചോര കളിക്ക് ഒരു അവസാനം വേണ്ടേ….'””

രുദ്രൻ അവരെ നോക്കി ചോദിച്ചു…..

‘” ഞങ്ങളെന്ത് ചെയ്യാനാ ഏട്ടാ…..
ഞങ്ങൾക്കുള്ളത് എല്ലാം അവരെടുത്തു…..
എന്റെ അപ്പ സമ്പാദിച്ചത് വരെ…..
എന്നിട്ട് പോലും അവർ ഞങ്ങളെ വെറുതെ വിടുന്നില്ല……'””

ഇന്ദു വിഷമത്തോടെ പറഞ്ഞു….

‘”” നിങ്ങളെ അവർ വെറുതെ വിടുമെന്ന് കരുതുന്നുണ്ടോ ഇനിയും……
ഇന്ദു……
അവനുള്ളത് ആജന്മ പകയാണ്… അത് മനസ്സിൽ കേറിയാൽ നിങ്ങളുടെ സർവ്വ നാശം കാണാതെ അതടങ്ങില്ല……'””

രുദ്രൻ അവളെ നോക്കി പറഞ്ഞു….

‘” ഞങ്ങൾ എന്ത് ചെയ്യണമെന്നാണ് ഏട്ടൻ പറയുന്നത്…….??'””

ഇന്ദു ചോദിച്ചു….

‘”” നിങ്ങളൊന്നും ചെയ്യണ്ട….
വേണ്ടതെല്ലാം ഞാൻ ചെയ്തോളാം…
വിവാഹം കഴിഞ്ഞാൽ നീ എന്റെ അനിയന്റെ ഭാര്യയാണ്…. അതായത് ഈ വീട്ടിലെ ഒരു അംഗം…….'””

രുദ്രൻ അവളെ നോക്കി പറഞ്ഞു….