♨️മനസ്വിനി ?5️⃣ «??? ? ?????» 2967

“നിനക്കു ഇഷ്ടപ്പെട്ടിണേൽ അത് തന്നേ എടുത്തോടാ….… വേണേൽ, പൈസ തികഞ്ഞില്ലേൽ അമ്മച്ചിടെ രണ്ട് വള ഉള്ളത് പണയം വെക്കാം…..”

“പണയം ഇന്നും വെക്കേണ്ട അമ്മച്ചി.. ലോൺ അല്ലെ… സാലറി സർട്ടിഫിക്കറ്റ് മതി…. പക്ഷെ അടവ് ആണ്….”

“സാരല്ലടാ… നിനക്കു ഇഷ്ടം ഉള്ളത് തന്നെ എടുത്തോ… പണ്ട് കല്യാണത്തിന്റെ സമയത് നിന്റെ അപ്പച്ചന്റെ കയ്യിൽ ഉണ്ടായിരുന്നു ഒരു ബുള്ളറ്റ്…. അപ്പാപ്പന് ഓപ്പറേഷന് ഹോസ്പിറ്റൽ അഡ്മിറ്റ് ആയ സമയത് അത് വിറ്റു. അപ്പച്ചന് ജീവനായിരുന്നു ആ വണ്ടി….”

“മ്മ്….”

പിന്നെ അമ്മച്ചി രണ്ട് പേരും കൂടി ബൈക്കിൽ കറങ്ങാൻ പോയതിന്റെയും ഒക്കെ കഥ പറഞ്ഞു…അമ്മച്ചിയുടെ കഥ കേട്ടിരിക്കുമ്പോഴാണ് ഫോൺ റിങ് ചെയ്തത്…. കഥ പറച്ചിൽ മുറിയാതിരിക്കാൻ അപ്പൊ തന്നെ ഞാൻ സൈലന്റ് ആക്കി…. തിരിച്ചു വിളിച്ചാൽ മതിയല്ലോ…… അമ്മച്ചിയുടെ കഥ പറച്ചിൽ നീണ്ടപ്പോൾ ഞാൻ പതിയെ ഫോണിന്റെ കാര്യോം മറന്നു….കിടക്കാൻ നേരം ആണ് പിന്നെ ഫോൺ എടുത്തത്….

നജു ആണ് വിളിച്ചത്… ഒപ്പം ഒരു മെസ്സേജും ഉണ്ട്….

“Pls call”

ആദ്യ റിങ്ങിൽ തന്നെ കാൾ അറ്റൻഡ് ആയി….

“ഇച്ചായാ… ഒരു ഹെല്പ് വേണം…..”

“എന്താ….”

“എന്റെ ഒരു ഫ്രണ്ട്, കോളേജിൽ കൂടെ പഠിച്ചതാ… അവളും ഫാമിലിയും നെക്സ്റ്റ് വീക്ക് പൈതൽമല പാലക്കയം തട്ട് പോകാൻ പ്ലാൻ ഇട്ടിട്ടുണ്ട് അവിടുത്തേക്കുള്ള വഴി പറഞ്ഞു കൊടുക്കുവോനു ചോദിച്ചു വിളിച്ചിരുന്നു…. ഒന്ന് ഹെല്പ് ചെയ്യോ….”

“അതിനെന്താ… എന്നെ വിളിക്കാൻ പറഞ്ഞോ…..”

“ഇച്ചായന് ബുദ്ധിമുട്ടില്ലേൽ എനിക്ക് ഒരു വോയിസ് അയക്കാമോ… ഞാൻ ഫോർവേഡ് ചെയ്യാം….”

“അങ്ങനെ മതിയോ…..”

“ആം… പിന്നെ.. അവിടുത്തെ ഏതെങ്കിലും റിസോർട് നമ്പർ ഉണ്ടെങ്കിൽ അതും കൂടെ….”