ഹൃദയരാഗം 28

Author : അച്ചു ശിവ | Previous Part

 

 

തല അടിച്ചു വീണ അവള്‍ തന്റെ ശരീരത്തില്‍ എവിടെയൊക്കെയോ വേദനിക്കുന്നതായും, കണ്ണിനു മുകളിലൂടെ നനവ് ഉള്ള എന്തോ ഒന്ന് ഒഴുകുന്നതായും അറിഞ്ഞു….

ബാഗിന്റെ ഉള്ളില്‍ നിന്നും ഫോണ്‍ അടിക്കുന്നത് ആ ബോധം മറയുമ്പോഴും അവള്‍ കേള്‍ക്കുന്നുണ്ടായിരുന്നു….

 

വല്ലാത്ത വേദന അവള്‍ക്കു തോന്നി…. കണ്ണുകള്‍ നിറഞ്ഞൊഴുകി…. അച്ഛനെയും, അമ്മയേയും, വിച്ചേട്ടനേയും അവള്‍ക്ക് ഓര്‍മ്മ വന്നു….

താന്‍ അവരുടെ അടുത്തേക്ക് പോകുവാണോ എന്ന് പോലും അവള്‍ ചിന്തിച്ചു….

 

” വിനയേട്ടാ…….. “….

അവള്‍ അവ്യക്തമായി വിളിച്ചു….

 

വിനയ് യുടെ മുഖം ഓര്‍ത്തപ്പോൾ അവളുടെ നെഞ്ച് വിങ്ങി…. പല ഓര്‍മകളും ഒരു തിരശ്ശീലയിലെന്ന പോലെ അവളുടെ ഉള്ളിലൂടെ കടന്ന് പോയി….

കണ്ണ് പുറകോട്ട് മറിഞ്ഞ് മറിഞ്ഞ് പോകുന്നതായും, ബോധം പതിയെ നഷ്ടപ്പെടുന്നതായും അവള്‍ അറിഞ്ഞു…..

 

” വാസുകീ…….. “….

ഒരു വിളി അവളുടെ കാതില്‍ മുഴങ്ങി…..

 

ആരോ ഓടി വരുന്നതായി അവള്‍ അവ്യക്തമായി കണ്ടു…. ആ കാഴ്ചയും, ഫോണ്‍ റിംഗ് ചെയുന്ന ശബ്ദവും, വിനയ് യുടെ മുഖവും ആയിരുന്നു ബോധം പൂര്‍ണമായും മറയുമ്പോള്‍ അവളുടെ മനസ്സില്‍…..

 

 

======== ======== ======== ======== ========