ഹൃദയരാഗം 28 [Achu Siva] 851

എന്റെ വാസൂട്ടിക്ക് അപകടം പറ്റാതെ രക്ഷപ്പെട്ടല്ലോ..അപ്പൊ സത്യങ്ങൾ ഒക്കെ അറിയാന്‍ പോവുകയാണല്ലേ..അപ്പച്ചിക്ക് പറയാനുള്ളതാണ് ഇനി  അറിയേണ്ടത് അല്ലേ..??

നല്ല രസമുള്ള ഭാഗമായിരുന്നു ഇത്..വലിയൊരു ഭാഗമായിരുന്നിട്ടും വായിച്ച് തീര്‍ന്നത് അറിഞ്ഞില്ല, അത്ര നല്ല ഒഴുക്കുണ്ടായിരുന്നു എഴുത്തിന്. വിനയ് വാസൂട്ടിയെ കെയർ ചെയ്യുന്നത്‌ ഒക്കെ വളരെ മനോഹരമായിട്ടുണ്ടായിരുന്നു..മഹേഷിന്റെ വരവ് തികച്ചും അപ്രതീക്ഷിതമായിരുന്നു. അവര് തമ്മിലുള്ള സീന്‍ വളരെ മനോഹരമായിരുന്നു..പഴയത് പലതും പറയാതെ പറയുന്ന പോലെ..??

നവീനും, രാജശേഖരനും ഒക്കെ വീണ്ടും അടുത്ത പരിപാടികള്‍ക്ക് ഇറങ്ങുകയാണല്ലേ..വിനയേട്ടന്‍ വാസൂട്ടിയെ കാത്തോളുമെന്ന് ഉറപ്പുണ്ട്..??

തുടര്‍ക്കഥകളിൽ ആ ഒഴുക്കോടെ ഉള്ള ഡീറ്റെയിലിംഗ് ഇഷ്ടപ്പെടുന്ന ആളെന്ന നിലയില്‍ എനിക്ക് ഈ എഴുത്ത് കൂടുതല്‍ ഇഷ്ടപ്പെട്ടു. ഓരോന്നും നമ്മുടെ കണ്‍മുന്നില്‍ കാണുന്ന പോലെ, എല്ലാം പതിയെ പതിയെ കണക്ട് ചെയ്ത് പോകുന്നത് കാണാനും, വായിക്കാനും ഒരു സുഖമുണ്ട്. അതാണ്‌ 78 പേജ് വായിച്ച് തീര്‍ന്നത് പോലും അറിയാതെ ഇരുന്നത്. ഓരോ ഭാഗങ്ങളിലൂടെ ആ കഥാപാത്രങ്ങൾ വളരുന്നതും, അവരുടെ മാനസികമായ വിചാരങ്ങളും ഒക്കെ വളരെ തൃപ്തിപ്പെടുത്തുന്ന രീതിയില്‍ പറഞ്ഞാണ് പോകുന്നത്..അങ്ങനെ മുന്നോട്ടു തന്നെയാണ് കഥ പോകുന്നത് എന്നാണ്‌ വ്യക്തിപരമായ അഭിപ്രായം..അല്ലെങ്കില്‍ പിന്നെ തുടക്കവും ക്ലൈമാക്സും മാത്രമുള്ള ഒരു ചെറുകഥ ആയി മാറും. പലർക്കും പല അഭിപ്രായങ്ങള്‍ ആവും..വായിക്കുന്നവർക്ക് അവരുടെ ഇഷ്ടാനിഷ്ടങ്ങള്‍ ഉണ്ടാവും..എഴുതുന്ന ആളുടെ മനസ്സും, ഇഷ്ടവും, സന്തോഷവും പോലെ എഴുതുക..അതിന് എല്ലാവിധ പിന്തുണയും, ആശംസകളും ഉണ്ടാകും. ??

ഇനിയുള്ള ഭാഗങ്ങള്‍ക്കായി ആകാംഷയോടെ കാത്തിരിക്കുന്നു..സ്നേഹം മാത്രം..❤❤