ഹൃദയരാഗം 28 [Achu Siva] 850

വാസുകീ…. എന്ന് വിളിച്ച ആള്‍ ഓടി അവള്‍ കിടക്കുന്നിടത്തേക്ക് എത്തി….

അയാളുടെ ഒപ്പം മറ്റൊരാള്‍ കൂടി ഉണ്ടായിരുന്നു….

 

അവളെ ഇടിച്ചിട്ട് നിര്‍ത്താതെ പോകുന്ന ആ വണ്ടിയെ അയാള്‍ ഒന്ന് നോക്കി…..

ആ വണ്ടി വളരെ വേഗത്തില്‍ തൊട്ടടുത്ത വളവ് തിരിഞ്ഞ് പാഞ്ഞു പോകുന്നത് അയാള്‍ കണ്ടു….

 

അതൊരു ബ്ലാക്ക് മഹീന്ദ്ര താർ ആയിരുന്നു എന്നയാള്‍ക്ക് മനസ്സിലായി…. എന്നാല്‍ വണ്ടിയുടെ നമ്പര്‍ കാണാന്‍ സാധിച്ചില്ല….

ഇടിച്ചത് അറിഞ്ഞിട്ടും നിര്‍ത്താതെ പോയ അവരെ ഓര്‍ത്ത് അയാള്‍ പല്ല് ഞെരിച്ചു….

 

വാസുകിയുടെ നേരെ നോക്കിയ അയാള്‍ കണ്ടത് ബോധം മറഞ്ഞ് കിടക്കുന്ന അവളെയാണ്….

മുഖത്തേക്ക് രക്തം ഒഴുകിയിറങ്ങുന്നുണ്ടായിരുന്നു….

 

ആകെ ഭയചകിതനായി അയാള്‍ അവളുടെ അടുത്ത് മുട്ട് കുത്തി ഇരുന്നു….

അയാളുടെ കൂടെ വന്ന ആളും അടുത്തേക്ക് വന്നു….

 

കൈയില്‍ ഉണ്ടായിരുന്ന ബാഗ് അവളുടെ കൈയില്‍ തന്നെ കുരുങ്ങി കിടപ്പുണ്ടായിരുന്നു….

വീണ ഭാഗത്തെ കൈയിലും മുറിവുകള്‍ ഒക്കെ കാണുന്നുണ്ടായിരുന്നു….

 

അയാള്‍ അവളുടെ തല എടുത്ത് മടിയിലേക്ക് വെച്ചു….

 

” വാസുകി…. വാസുകി…. “….

അയാള്‍ അവളുടെ കവിളിൽ തട്ടി വിളിച്ചു…..

 

അവള്‍ ഒട്ടും പ്രതികരിക്കാത്തത് കൂടുതല്‍ ഭയപ്പെട്ട അയാള്‍ അവളുടെ പള്‍സും, ശ്വാസോച്ഛ്വാസവും ഒക്കെ നോക്കുന്നുണ്ടായിരുന്നു….