ഹൃദയരാഗം 27

Author : അച്ചു ശിവ | Previous Part

” അയ്യടാ…. എന്തൊരു ഒലിപ്പ്…. പുള്ളിക്ക് വേറെ ലൈൻ ഉണ്ടാകും…. നീ ഇങ്ങനെ കിനാവും കണ്ട് നല്ല പിള്ള ചമഞ്ഞു  നടന്നോ “….

വാസുകി പറഞ്ഞിട്ട് അവളെ ഇടം കണ്ണിട്ട് നോക്കി….

” ആരു പറഞ്ഞു ? “….

ഗീതു ഒരു ഞെട്ടലോടെ എഴുന്നേറ്റു നിന്നു….

” ഞാൻ തന്നെ…. ദി ഗ്രേറ്റ്‌ വാസുകി വിനയ് മേനോൻ…. എന്താ…. ഞാൻ പറഞ്ഞാൽ പോരെ ? “….

വാസുകി പുരികം പൊക്കി കൊണ്ടു ചോദിച്ചു….

” എടീ സാമദ്രോഹി…. നിനക്കെന്താടീ ഇത്ര കണ്ണുകടി…. ഞാൻ മനസമാധാനത്തോടെ ഇരിക്കണ കണ്ടിട്ട് തീരെ പിടിക്കുന്നില്ല അല്ലേ “….

അതും പറഞ്ഞു കൊണ്ടു ഗീതു വാസുകിയെ തലങ്ങും വിലങ്ങും കളിയായി അടിക്കാൻ തുടങ്ങി….

വാസുകി ചിരിച്ചു കൊണ്ടു അവളെ തടയാൻ നോക്കി…. നിർത്തുന്നില്ലന്നു കണ്ടപ്പോൾ അവിടെ നിന്നും എഴുന്നേറ്റ് ഓടി….

” നിൽക്കെടീ കുശുമ്പി അവിടെ “….

ഗീതുവും വാസുകിക്ക് പുറകെ വെച്ചു പിടിച്ചു….

ഇവരുടെ കളിയും, ചിരിയും എല്ലാം ഗ്രൗണ്ടില്‍ നിന്നും മാറി, ഒരു കറുത്ത ജീപ്പ് മോഡൽ വണ്ടിയില്‍ നിന്നും രണ്ട് കണ്ണുകള്‍ അവരെ വീക്ഷിക്കുന്നുണ്ടായിരുന്നു….

======== ======== ======== ======== ========