ഹൃദയരാഗം 26 [Achu Siva] 1047

” ഡീ ഗീതു …. നീ പറഞ്ഞത് ശരിയാണ്…. പുള്ളിയുടെ രൂപം വല്ലാതെ മാറി പോയി…. പക്ഷേ, എന്നെ ചെറുപ്പത്തില്‍ എടുത്തോണ്ട് നടന്ന, എന്റെ വീട്ടില്‍ ഒരു അംഗത്തെ പോലെ ഉണ്ടായിരുന്ന ആളെ എന്ത് രൂപമാറ്റം വന്നാലും എനിക്ക് മനസ്സിലാകും “….

വാസുകി പറഞ്ഞത് കേട്ട് അഞ്ജുവും, ഗീതുവും പരസ്പരം നോക്കി….

” അല്ല…. അത്‌ വേണു അങ്കിൾ ആണെങ്കില്‍ തന്നെ എന്താ അതില്‍ പ്രശ്നം ?…. നീ എന്താ അപ്പോള്‍ അരുണേട്ടനോട് അത് പറയാതെ ഇരുന്നത് ?….. വേണു അങ്കിളാണെന്ന് മനസ്സിലായിട്ടും വിളിക്കാതെ ഇരുന്നത് ? “….

ഇപ്പോഴും കാര്യം മനസ്സിലാകാത്ത പോലെ അഞ്ജു ചോദിച്ചു….

” മ്മ്…. അതാണ്‌ ഞാന്‍ പറഞ്ഞു വരുന്നത് “….

വാസുകി ഒന്ന് മുന്നോട്ട് ആഞ്ഞിരുന്നു…. പറയാന്‍ പോകുന്ന കാര്യം അവളെ വല്ലാതെ അലട്ടുന്നുണ്ട് എന്ന് അഞ്ജുവിനും, ഗീതുവിനും മനസ്സിലായി….

” അന്ന് നവീന്റെ വായിൽ നിന്നും അറിഞ്ഞ കാര്യങ്ങള്‍ ഞാന്‍ നിങ്ങളോട് പറഞ്ഞിരുന്നതല്ലേ…. അവന്‍ എന്നെ ചതിച്ചതിനേക്കാളും, ഉപദ്രവിച്ചതിനേക്കാളും എന്നെ വേദനിപ്പിച്ചത്…. ഞാനും, ഈ ലോകവും വിശ്വസിച്ചിരുന്ന, എന്റെ കുടുംബത്തിന്റെ ആത്മഹത്യ, അവര്‍ വൈരാഗ്യം തീര്‍ക്കാൻ കൊന്ന് കളഞ്ഞതാണ് എന്നറിഞ്ഞപ്പോഴാണ്. നിങ്ങളോട് ഞാന്‍ പറഞ്ഞിരുന്നല്ലോ “….

അത് പറഞ്ഞിട്ട് അവള്‍ അവരെ നോക്കി…. അവളുടെ കണ്ണുകള്‍ നിറയുന്നുണ്ടായിരുന്നു….

” അറിയാം മോളേ “….

അഞ്ജു അവളെ സഹതാപത്തോടെ നോക്കിയിട്ട് പറഞ്ഞു…. അവളുടെ സങ്കടം കണ്ട് ഗീതുവിനും വിഷമം വന്നു….

” അച്ഛന്‍ ആത്മഹത്യ കുറിപ്പ് വരെ എഴുതിയ അവരുടെ മരണം എങ്ങനെ കൊലപാതകമായി എന്ന് എനിക്കറിയില്ല…. ഞാനാണ് അന്ന് പോലീസ് ആ കുറിപ്പ് കാണിച്ചപ്പോ കണ്ട് വെരിഫൈ ചെയ്തത്, അതിലെഴുതിയിരിക്കുന്നത് അച്ഛന്റെ കയ്യക്ഷരം തന്നെയാണെന്ന് “….

ആ സങ്കടത്തിനിടയിലും അവള്‍ പറയുന്നത് തുടര്‍ന്നു….

” അന്ന് അവന്‍ പറയുമ്പോഴാണ് ഞാന്‍ അറിയുന്നത് വിനയേട്ടൻ എന്റെ കുടുംബത്തിന് സംഭവിച്ച ആ ദുരന്തത്തിന്റെ പുറകെ ആണെന്നും, അവരെ കുടുക്കാന്‍ കരുക്കൾ നീക്കുകയാണെന്നും…. പിന്നെ, അന്ന് ആ കേസിന്റെ ഡീറ്റെയിൽസ് വിനയേട്ടന്റെ ഓഫീസ് മുറിയില്‍ നിന്ന് കണ്ടപ്പോള്‍ അത് കൂടുതല്‍ വ്യക്തമായി “….

വാസുകി പറഞ്ഞു നിര്‍ത്തി….