സ്വാതന്ത്ര്യം 4 [കിരൺ കുമാർ] 258

അവൾ തട്ടി വിളിച്ചപ്പോളണ് അവൻ ഉണർന്നത്

 

“ഇതെന്ത് ഉറക്കം ആണ് .”

 

അവൻ കണ്ണോകെ തിരുമി എണീറ്റു നിന്നു

 

“ഹ… നീ ബിസി അല്ലെ … ഞാൻ ഒന്ന് മയങ്ങി പോയി”

 

അവൻ എണീറ്റ് മൂരി നിവർത്തി കൊണ്ട് പറഞ്ഞു

 

“സോറി ട്ടോ ഇവിടെ എല്ലാം നാശം ആയി കിടക്കുവാ ആരും മേൽനോട്ടം ഇല്ലാഞ്ഞ കൊണ്ട് ഞാൻ എല്ലാം ഒന്ന് റെഡി ആക്കി എടുക്കാൻ നോക്കുവാ അതിന്റെ ഒരു തിരക്ക് കൊണ്ട.   സോറി അച്ചുവേട്ട”

 

അവൾ അവന്റെ കയ്യിൽ പിടിച്ചു പറഞ്ഞു

 

” അയ്യേ .. സോറി ഒക്കെ..അതിന് എന്താ നീ എന്ന  എന്തായാലും  താഴേക്ക് വിടില്ല പിന്നെ ഞാൻ എന്ത് ചെയ്യാൻ അതാ ഉറങ്ങിയെ”

 

അവൻ അവളുടെ തോളിൽ പിടിച്ചുകൊണ്ട് പറഞ്ഞു.

 

“താഴെ ചെന്നു ജോലി ചെയ്യാൻ അല്ലെ?? ഇപ്പ ചെയ്യണ്ട ജോലി ,

ചെയ്യാറാവുമ്പോ ഞാൻ പറയാം ഹും …”

 

അവൾ അവന്റെ കൈ തട്ടി മാറ്റി

 

 

“എന്റെ പൊന്നമ്മു ഞാൻ അവരെ ഒക്കെ ഒന്ന് കാണാൻ ആണ് അല്ലാതെ വേറെ ഒന്നിനുമല്ല..അവരൊക്കെ എന്ത് കരുതി കാണും ഞാൻ ഇവിടെ ഇങ്ങനെ കേറി ഇരിക്കുന്നെ കണ്ട്”

 

“പിന്നെ ആര് എന്ത് കരുതാൻ?? ഒന്നും ഇല്ല. ഇപോ ഏട്ടന് എന്റെ കൂടെ ഇരിക്കാൻ എന്തെങ്കിലും കുഴപ്പം ഉണ്ടോ?? ”

 

“ആ ശരി ശരി ന്റെ പൊന്നോ എനിക്ക് ഒരു കുഴപ്പവും ഇല്ലേ…”