സുൽത്വാൻ 5 [ജിബ്രീൽ] 413

“സുനിൽ ഷെട്ടി ,ഭരത്ത് ഷെട്ടി ഇവരുടെ ഇന്നു മുതൽ രണ്ടു ദിവസത്തെ കോളുകൾ മെസേജ് ഇ മെയിൽ എല്ലാം വേണം കാശ് ഇപ്പോ തന്നെ തരും ” എന്നു പറഞ്ഞ് ഫോൺ വെച്ചു

മാനേജർ ഇതല്ലാം കണ്ട് അമ്പരന്നു നിൽക്കുകയാണ്

 

♦♦♦♦♦♦♦♦♦♦♦♦♦♦

റാഹി കോളേജിൽ നിന്നും ലഭിച്ച അഡ്രസ്സിലെ വീടിന്റെ കോളിങ് ബെല്ലമർത്തി

ഒരു സ്ത്രീ വന്നു വാതിൽ തുറന്നു

” ആരാ……..”

“രാഘവൻ നായരെ കാണാൻ വന്നതാണ് ”

“ചേട്ടൻ കുളിക്കുകയാണു അകത്തേക്കിരിക്കൂ ”

റാഹി സോഫയിൽ ഇരുന്നു

അൽപ സമയത്തിനകം തന്നെ ഒരു മദ്ധ്യവയസ്കൻ അവളുടെ മുമ്പിൽ പ്രത്യക്ഷപെട്ടു

 

അയാളെ കണ്ടതും റാഹി എഴുന്നേറ്റു

 

“ഇരിക്കൂ ……എന്താ കാര്യം ”

 

“സർ ഞാൻ ജാമിഅ കോളേജിൽ നിന്നും വരികയാണ് . വീട്ടിലെ അന്തരീക്ഷം കുട്ടികളെ പഠിക്കാൻ സഹായിക്കുന്നുണ്ടോ നിരീക്ഷിക്കാൻ വേണ്ടി കോളേജ് ചുമതലപ്പെടുത്തിയതാണ് എന്നെ ”

 

“അതിനിടെ അവിടെ പഠിക്കുന്ന കുട്ടികളൊന്നും ഇല്ലല്ലോ ”

 

“ഷിബിൻ ഷാൻ എന്ന കുട്ടിയുടെ ലോക്കൽ ഗാർഡിയൻ താങ്കളല്ലെ ”

 

“ഓഹ് ….അതാണോ അവൻ ഇവിടെയല്ല താമസം അവന് വേറൊരു വീട്ടിലാണ് ഞാൻ അത് അവന് വാടകയ്ക്ക് കൊടുത്തിരിക്കുകയാണ് അങ്ങനെയുള്ള ഒരു പരിചയം മാത്രമേ ഞങ്ങൾ തമ്മിലൊളളു ”

 

“അപ്പോൾ അവൻ്റെ ശരിക്കുള്ള വീട് എവിടെയാണ് ”

“കൊല്ലത്തെവിടെയോ ആണ് ”

“അവനെകുറിച്ച് വേറെ എന്തെങ്കിലും നിങ്ങൾക്ക് അറിയുമോ ”

“വേറെന്ത് …… “അയാൾ സംശയത്തോടെ അവളെ നോക്കി

” അവന്റെ ഉപ്പാന്റെ പേരോ വീട്ടുപേരോ അങ്ങനെ എന്തെങ്കിലും. അവൻ്റെ സ്കൂൾ ഡീറ്റെയിൽസിൽ ഇങ്ങനെയുള്ള ഡീറ്റെയിൽസ് ഒന്നുമില്ല അതു ചേർക്കാനും കൂടിയാണ്” അവളുടെ വാക്കുകളിൽ പ്രതീക്ഷ നിഴലിച്ചിരുന്നു