സഖിയെ ഈ മൗനം നിനക്കായ് 3 💞💞💞 3997

ഗോവ…

നിയമത്തിനതീതമായി പറന്നു നടക്കുന്ന അറബിക്കടലിന്റെ ഓരത്ത് വളർന്നു പന്തലിച്ചു നിൽക്കുന്ന നഗരം…

ഡ്രഗ്സും ഡ്രിങ്ക്‌സും സുലഭമായി ഇരുപത്തിനാല് മണിക്കൂറും ഒഴുകി നടക്കുന്ന നഗരം…

ആ നഗരത്തിൽ നിന്നും പടിഞ്ഞാറു മാറി ഒരു ദീപ് ഉണ്ട്…

ഡെമോൻസ് പാർക്ക്‌…

അതേ പിശാചുക്കളുടെ പാർക്ക്‌…

പകൽ പോലും ഭീകരമായ രൂപത്തിൽ കാണുന്ന ബംഗ്ലാവ്…

ഗോവ തീരത്ത് നിന്നും ഒരു കിലോമീറ്റർ മാത്രം പടിഞ്ഞാറു മാറി ചുറ്റും കടലിനാൽ ചുറ്റപ്പെട്ട ഒരു മലയുടെ മുകളിലാണ് ബംഗ്ലാവ് നിൽക്കുന്നത്..

ഡച്ചുകാർ ഇരുന്നൂറു കൊല്ലം മുമ്പ് പണി കഴിപ്പിച്ചതാണ് മലമുകളിലെ ബംഗ്ലാവ്..

ഇന്നത് ആരുടെ കയ്യിലാണെന്ന് ആർക്കും കൃത്യമായി അറിയില്ല…

തീരത്ത് നിന്നും ഒരു സ്പീഡ് ബോട്ട് വളരെ വേഗത്തിൽ ആ മല ലക്ഷ്യമാക്കി നീങ്ങിക്കൊണ്ടിരിക്കുന്നു..

ബോട്ടിൽ ഒരു കറുത്ത കോട്ടും വട്ട തൊപ്പിയും വെച്ച് ഒരാൾ ഇരിക്കുന്നു..

ഇടക്കിടെ പോകുന്ന ആഡംബര നൗകകൾ വെളിച്ചം വിതറി അയാളുടെ മുന്നിലേക്കുള്ള കാഴ്ച മറക്കുമ്പോൾ അയാൾ തന്റെ കൈ കൊണ്ട് ആ വെളിച്ചത്തെ തടയുന്നുണ്ട്…

അയാൾ കാതടിപ്പിക്കുന്ന ശബ്ദത്തോടെ ആ ബോട്ട് മലയുടെ അരികിലുള്ള മരപ്പാലത്തിലേക്ക് ചേർത്ത് നിർത്തി…

അയാളുടെ കാൽ ആ പാലത്തിലേക്ക് വെക്കലും അരികിലുള്ള മരത്തിൽ വിശ്രമിത്തിൽ ആയിരുന്ന പക്ഷികളും ചെറു കിളികളും ഉറക്കത്തിൽ നിന്നും ഞെട്ടി എഴുന്നേറ്റത് പോലെ ചിറകടിച്ചുയർന്നു..

ടപ് ടപ് ടപ്…