സഖിയെ ഈ മൗനം നിനക്കായ് 3 ??? 4423

കോഴിക്കോട് നിന്നും 116 കിലോമീറ്റർ അകലെ പാലക്കാട്‌ ജില്ലയിലെ ഇരുമ്പകചോല…

സമയം രാത്രി 11:35…

നാല് കൂട്ടുകാരികൾ രണ്ട് പേരായി ഓരോ ടെന്റ് കെട്ടി അതിനുള്ളിൽ ഗാഡമായ ഉറക്കത്തിലാണ്…

ജോത്സ്ന, അമ്മു, താര,ലൈല..

അവർ നാല് പേരും ഉറ്റ കൂട്ടുകാരികൾ.. കോഴിക്കോട് ക്രിസ്ത്യൻ കോളജിൽ ഫസ്റ്റ്ഇയർ സ്റ്റുഡന്റസാണവർ…

ഒഴിവ് സമയങ്ങളിൽ പെട്ടന്ന് ഉണ്ടാവുന്ന ഓരോ ട്രിപ്പുകൾ ആണ് അവരെ ഇങ്ങനെയുള്ള ഓരോ സ്ഥലങ്ങളിൽ എത്തിക്കുന്നത്..

ട്രക്കിങ് ഹോബിയായി സ്വീകരിച്ചു നടക്കുന്നവർ..

ഒന്നോ രണ്ടോ ദിവസം വ്യത്യസ്തമായ മലകളിൽ ടെന്റ് കെട്ടി താമസിക്കാൻ ഇഷ്ട്ടപെടുന്ന യുവത്വം…

സമയം പതിയെ മുന്നോട്ട് നീങ്ങുന്നു…

ജോത്സ്നയും അമ്മുവും ഒരു ടെൻറ്റിലും, താരയും ലൈലയും മറ്റൊന്നിലുമാണ് കിടക്കുന്നത്..

താര ഉറക്കത്തിൽ എന്തൊക്കെയോ പിച്ചുംപേയും പറയുന്നുണ്ട്…

“ആ… എന്നെ വിട്.. ഹയ്… പ്ലീസ്..”

ഉറക്കത്തിലവളുടെ ശബ്ദം ഉയരാൻ തുടങ്ങി…

അതൊരു കരച്ചിലായി ആ ടെൻറ്റിൽ അലയടിക്കാൻ ആയി തുടങ്ങി..

തൊട്ടടുത്ത് കിടക്കുന്ന കൂട്ടുകാരിയുടെ കരച്ചിൽ കേട്ട് ലൈല പെട്ടന്ന് തന്നെ ബാറ്ററിയുമായി കണക്ട് ചെയ്തിട്ടുള്ള ബൾബ് ഓണാക്കി…

“താരാ… ഡി..”

ലൈല താരയെ തട്ടി ഉണർത്താൻ ശ്രമിച്ചു …

“ഡി.. താരാ…”

“ഹ്മ്മ്…”