സഖിയെ ഈ മൗനം നിനക്കായ് 3 ??? 4423

ഹാഷിമിന്റെ വീടിന്റെ ഡോർ ബെൽ മുഴങ്ങിക്കൊണ്ടിരുന്നു…

“ഇക്കാ… ആരോ വന്നിട്ടുണ്ട്…”
ഉറക്കത്തിൽ നിന്നും എഴുന്നേറ്റ ഹാഷിമിന്റെ മൂത്ത ഇത്ത അടുത്ത് കിടക്കുന്ന ഭർത്താവിനെ തട്ടി വിളിച്ചു..

“ആര് വരാനാ ഈ പാതിരാത്രി.. നീ കിടന്നുറങ്ങാൻ നോക്കു പെണ്ണെ…”

ടിം ടോങ്… വീണ്ടും ആ മണി ശബ്ദം കുറച്ച് കൂടുതൽ നേരം മുഴങ്ങി…

ബെല്ലടിക്കുന്ന ശബ്ദം കേട്ടപ്പോൾ ഹാഷിമിന്റെ അളിയനും പെട്ടന്ന് തന്നെ എഴുന്നേറ്റു… ഡൈനിങ് ഹാളിലേക്കു നടന്നു…

ഹാളിലേക്കു എത്തിയപ്പോൾ തന്നെ ചെറിയ ഇത്തയും ഭർത്താവും അവിടേക്ക് എത്തി…

തമ്മിൽ തമ്മിൽ ഒന്ന് നോക്കി മൂത്ത അളിയനും തൊട്ടു പുറകിലായി ചെറിയ അളിയനും കൂടി മെയിൻ ഡോറിന്റെ അടുത്തേക് നടന്നു…

ഉടനെ തന്നെ ആ വീട് മുഴുവൻ ബൽബുകളും ഓൺ ആയി…

ഹാഷിമിന്റെ അളിയൻ മെയിൻ ഡോർ തുറന്നു…

പെട്ടന്ന് തന്നെ പുറത്ത് നിന്നും ഹാഷിം ഉള്ളിലേക്കു കയറി മുകളിലെ റൂമിലേക്കു ഓടി…

എന്താണ് സംഭവമെന്നറിയാതെ തൊട്ട് പിറകിലായി ഇത്താത്തമാരും അളിയന്മാരും മുഖത്തോട് മുഖം നോക്കി പെട്ടന്ന് തന്നെ ഹാഷിമിന്റെ പുറകെ നടന്നു..

ഹാഷിം മക്കൾ കിടക്കുന്ന റൂം തുറന്നു നോക്കിയപ്പോൾ കുട്ടികൾ രണ്ട് പേരും ഒന്നും അറിയാത്ത പോലെ കട്ടിലിൽ സുഖനിദ്രയിലാണ്…

“എന്താടാ.. നീ ഈ പാതിരാത്രി ഓടി പിടഞ്ഞു വന്നത്…”

അവർ നാല് പേരും ഒരേ സ്വരത്തിൽ ഹാഷിമിനോടായി ചോദിച്ചു…

ഹാഷിം ആദ്യം തന്നെ മേശക്ക് മുകളിലുള്ള ജഗ്ഗിൽ നിന്നും കുറെയെറെ വെള്ളം കുടിച്ചു അടുത്തുള്ള സോഫയിലേക്കിരുന്നു..

പതിയെ ഇന്ന് സംഭവിച്ച കാര്യങ്ങൾ അവരോടായി പറഞ്ഞു തുടങ്ങി..

—-(@)—-(@)—-(@)—-(@)—-