സഖിയെ ഈ മൗനം നിനക്കായ്‌ – III
???

Sakhiye ee mounam ninakkay

Author : നൗഫു| Previus part

കഥ തുടരുന്നു….

http://imgur.com/gallery/0VgHBUs

ട്രിം ട്രിം..

എസിപി രാജീവിന്റെ മൊബൈൽ ശബ്‌ദിച്ചു തുടങ്ങി…

“ഹലോ.. രാജീവ്‌… വാട്ട്‌..!!!!”

“അതേ സാർ…പട്രോളിംഗ് നടത്തുന്ന മെഡിക്കൽ കോളേജ് സ്റ്റേഷനിൽ ഉള്ളവരാണ് കണ്ടത്… ഒരു i 20 കാർ ഫോർത് ഇൻഡിക്കേറ്റർ ഇട്ട് റോഡിൽ കിടക്കുന്നത് കണ്ട് പരിശോധന നടത്തിയതാണ്… ഒരു ഡോക്ടറുടെ ഐഡന്റിറ്റി കാർഡ് കിട്ടിയിട്ടുണ്ട്… വൺ മിസ്റ്റർ മേനോൻ കുട്ടി എന്നാണ് പേര്…”

“ഹോ… ഷിറ്റ്…”

അജയും, പീവിയും, സുജീഷും എന്താണ് സംഭവമെന്നറിയാതെ എസിപി രാജീവിന്റെ മുഖത്തേക് തന്നെ സൂക്ഷിച്ചു നോക്കി…

ഫോണിന്റെ അപ്പുറത്തു നിന്നും വീണ്ടും സംസാരം തുടർന്നു…

“സാർ, ഇത് ആ ഫർസാന കേസിൽ നമ്മുടെ സാക്ഷിയായ ഡോക്ടർ അല്ലേ.”

“യെസ്…”

“സാർ…”

“നിങ്ങൾ ഉടനെ തന്നെ ഒരു കാര്യം ചെയ്യുക… ജില്ലയിലെ എല്ലാ സ്റ്റേഷനിലേക്കും വയർലസ്സ് സന്ദേശം നൽകുക… നെറ്റിൽ സേർച്ച്‌ ചെയ്താൽ അദേഹത്തിന്റെ ഫോട്ടോ കിട്ടും അതും പാസ്സ് ചെയ്യുക…ഇന്ന് നഗരത്തിലും ചുറ്റുവട്ടങ്ങളിലും പരിശോധന കൂടുതൽ കർശനമാക്കുക… ഒരു വാഹനം പോലും ചെക്ക് ചെയ്യാതെ വിടരുത്.. ഒരു കാരണവശാലും അക്രമികൾ നഗരമോ ജില്ലയോ വിട്ട് പോകരുത്…

മനസ്സിലാവുന്നുണ്ടല്ലോ…”

“യെസ്… സാർ…”

“ഓക്കേ.. ഞാനും ഇറങ്ങുകയാണ്… ഡു ഇറ്റ് ക്വിക്ക് …”