ശാപ്പാടു കള്ളൻ – [Santhosh Nair] 923

എല്ലാ പ്രിയപ്പെട്ടവർക്കും നമസ്തേ.
സുഖം എന്ന് കരുതുന്നു.

പോയ വാരം ഉത്സവങ്ങളുടെ, സുകൃതങ്ങളുടെ, അനുഗ്രഹങ്ങളുടെ വാരം ആയിരുന്നു.

ശ്രീരാമനവമി, വിഷു, തമിഴ് പുതുവർഷം, ദുഃഖവെള്ളി, ഈസ്റ്റർ അങ്ങനെ ഉത്സവങ്ങളുടെ / ആഘോഷങ്ങളുടെ ഒരു ഘോഷ യാത്രതന്നെ.
താമസിച്ചാണെങ്കിലും – എല്ലാവര്ക്കും ആശംസകൾ. വിജയീ ഭവ: സുകൃതീ ഭവ:

തിരിഞ്ഞു നോക്കുമ്പോൾ നമ്മുടെ ജീവിതത്തിൽ തന്നെ ചിരിയ്ക്കാനും ചിന്തിയ്ക്കാനും ഓർമ്മയിൽ സൂക്ഷിയ്ക്കാനും ഒക്കെയുള്ള നിരവധി അവസരങ്ങൾ ഭഗവാൻ നമുക്കൊക്കെ തരുന്നുണ്ട്.
ചിരിയ്ക്കാനുള്ളത് ഷെയർ ചെയ്യുക.

സൂക്ഷിയ്ക്കാനും സൂക്ഷിച്ചു കൈകാര്യം ചെയ്യേണ്ടതുമായ കാര്യങ്ങൾ ആരോടും ഷെയർ ചെയ്യാതിരിയ്ക്കുവാനും ശ്രദ്ധിയ്ക്കുക എന്നൊരു മഹാൻ പറഞ്ഞിരിയ്ക്കുന്നു. REF.

വായിയ്ക്കൂ.—-

എന്റെ പ്രീഡിഗ്രി കാലത്തു നടന്ന സംഭവം ആണ്. ഞങ്ങളുടെ കോമേഴ്‌സ് ഗ്രൂപ്പ് ക്ലാസ്സിൽ ഏകദേശം തൊണ്ണൂറു കുട്ടികൾ ഉണ്ടായിരുന്നു.

ആൺ പെൺ വ്യത്യാസം പപ്പാതി.

അന്നൊക്കെ പഠിപ്പിക്കാൻ വരുന്ന സാറന്മാരുടെയും ടീചര്മാരുടെയും പേര് അറിഞ്ഞില്ലെങ്കിലും ഇരട്ടപ്പേര് അറിഞ്ഞിരിക്കണമായിരുന്നുവെന്നു ക്‌ളാസ്സിലെ അലമ്പന്മാർക്കു നിർബന്ധം.

ഞാൻ ആദ്യമൊക്കെ ബാക് ബെഞ്ചിൽ ആയിരുന്നു. ഇടയ്ക്കു മിഡിൽ ബെഞ്ചിൽ വന്നു. പിന്നീട് ഫസ്റ്റ് ബെഞ്ചിൽ ഫസ്റ്റ് ആയി. (എന്റെ മുഖം കണ്ടു റൊമ്പ നല്ലവൻ എന്ന് ടീച്ചേർസ് ഒക്കെ തെറ്റിദ്ധരിച്ചു എന്നു തോന്നുന്നു – ആ പട്ടർ ലുക്ക് ആവും).