ശാപ്പാടു കള്ളൻ – [Santhosh Nair] 923

ക്ലാസ് തുടങ്ങി അരമണിയ്ക്കൂറോളം കഴിഞ്ഞപ്പോൾ പുറകിലെ ബെഞ്ചിൽ നിന്നും ചില അപശബ്ദങ്ങൾ ഉയർന്നു തുടങ്ങി.

പിന്നെക്കണ്ടത് നാലു സ്റ്റുഡന്റസ് – ആരാണെന്നു മനസ്സിലായില്ലയെന്നു പറയല്ലേ – ചില സുപ്രധാന ശരീര ഭാഗങ്ങൾ (മുമ്പിലും പിറകിലും) പൊത്തിപ്പിടിച്ചുകൊണ്ടു ക്‌ളാസ്സിനു വെളിയിലേക്കു ഓടുന്നതാണ്.

കാര്യം മനസ്സിലായ പുറകിലത്തെ ബെഞ്ചുകാരെല്ലാം ചിരിതുടങ്ങി. ഞങ്ങൾ ഇന്നസെന്റ് ചേട്ടനെ പോലെ അറിഞ്ഞാലും അറിയാത്ത ഭാവത്തിൽ ആക്ട് ചെയ്യാൻ തുടങ്ങി.

മിസ് ചോദിച്ചു “എന്താ എന്ത് പറ്റി, എന്തിനാ അവർ ഓടുന്നത്?”

“അവർ ___)ൻ പോകുന്നതാ മിസ്സെ” എന്ന് പുറകിൽ നിന്നും ആരോ വിളിച്ചു പറഞ്ഞു. ക്ലാസ്സിൽ കൂട്ട ചിരിയായി.

ക്‌ളാസ് കഴിഞ്ഞപ്പോൾ മിസ്സിന്റെ പുറകെ പോയി ഞാൻ കാര്യങ്ങൾ പറഞ്ഞു സോറി പറഞ്ഞു.

മിസ് ഒരു കള്ളച്ചിരിയോടെ എന്റെ കവിളിൽ ഒരു തട്ടു തട്ടി ഇനിയും ഇതാവർത്തിക്കരുതെന്നു മാത്രമേ പറഞ്ഞുള്ളൂ. ആ പണി കിട്ടിയവർ മിസ്സിനെ അല്പം കമന്റ് അടിയ്ക്കുമായിരുന്നു, അതുകൊണ്ടാണോ എന്തോ ആ പണി മിസ്സിനിഷ്ടപ്പെട്ടെന്നു മനസ്സിലായി.

എന്തായാലും അന്ന് ഓടിയവർ പിന്നെ രണ്ടു ദിവസങ്ങൾ കഴിഞ്ഞാണ് ക്ലാസ്സിൽ വന്നത്. കാട്ടുതീറ്റി നിർത്തി നല്ല പയ്യൻമ്മാരായ അവർ പിന്നീട് ക്ലാസ്സിലെ മിഡിൽ ബെഞ്ചുകളിലേയ്ക്ക് താമസവും മാറ്റി.

ആ പണി കൊടുത്തതു ഞാനാണെന്നു ഇന്നും ആർക്കും അറിയില്ല (നാളെ മുതൽ നിങ്ങൾക്കറിയാം – ആരോടും പറയേണ്ട, കേട്ടോ).

NB –

ആ കലാപരിപാടി നടത്തിക്കൊണ്ടിരുന്ന കക്ഷി പാവപ്പെട്ടവനോ, ഭക്ഷണം കഴിയ്ക്കാൻ കഴിവില്ലാത്തവനോ അല്ല കേട്ടോ. ഒരുവിധം നല്ല സാമ്പത്തിക സ്ഥിതി ഉള്ളവൻ ആയിരുന്നു. ഞങ്ങളുടെ class-ലുള്ള മിക്കവാറും എല്ലാവരും നല്ല സാമ്പത്തികം ഉള്ളവർ ആയിരുന്നു – കച്ചവടം, കൃഷി, വണ്ടി അങ്ങനെ.