വേഴാമ്പൽ (മനൂസ്) 2961

പിന്നീട് ഒന്നും പറയാൻ നിൽക്കാതെ മറിയ അവളോടൊപ്പം പള്ളിയിലേക്ക് പുറപ്പെട്ടു…..

ഇവൾ അക്സ മേരി വർഗീസ്….. പ്ലാന്റർ വര്ഗീസിന്റെയും മറിയാകുട്ടിയുടെയും രണ്ടാമത്തെ മകൾ…..ഒരുപാട് സ്വത്തു വകകൾ ഉള്ള കുടുംബത്തിൽ ആണ് ജനനം….. അവളെക്കുറിച് കൂടുതലൊന്നും എനിക്കും അറിയില്ല…..വല്ലതും അറിയാൻ പറ്റുമൊന്നു നമുക്കു നോക്കാം…….

“എന്നതാ മറിയാമോ വൈകിയോ…..”

“ആ ലില്ലി കുട്ടി……. ഇറങ്ങാൻ ഇച്ചിരി വൈകി…. അതിയാൻ രാവിലെ എവിടേക്കോ പോയേ….”

“ഈ കൊച്ചിന് ഇതെന്ന പറ്റി…. ഇപ്പൊ ഒരു ഉത്സാഹവും ഇല്ലാലോ… ഓടി ചാടി നടന്ന കൊച്ചു അല്ലിയോ……”

“ആ എല്ലാ കാലത്തും മനുശ്യന്മാരു ഒരേപോലെ ഇരിക്കുവോ ലില്ലി കുട്ടി… ഇവൾ ഇപ്പൊ ഇങ്ങനാ…..”

“എന്റെ നാൻസി വിളിക്കുമ്പോ എപ്പോഴും അസി കൊച്ചിന്റെ കാര്യം ചോദിക്കും…..ഒരുമിച്ച് പടിച്ച അല്ലിയോ അവര്….. അവൾ അടുത്ത ക്രിസ്മസിന് ഇങ്ങു വരും…. ഇവൾക്ക് ഒന്നും നോക്കുന്നില്ലേ മറിയെ….”

“ആ നോക്കുന്നുണ്ട്….. എല്ലാം കർത്താവ് സമയമാകുമ്പോ നടത്തി തരും…”

അപ്പോഴും അവരുടെ ഈ വർത്തമാന ലോകത്തൊന്നും അല്ലാരുന്നു അസി…. അവൾ അവളുടേതായ ഒരു ലോകം സൃഷ്ടിച്ചിരുന്നു കുറച്ചു നാളുകളായി…..

അങ്ങനെ അവർ ഓരോ വിശേഷങ്ങൾ പങ്കു വച്ച് പള്ളിയിലേക്ക് നടന്നു……

*****************************************

“ആഹ് ആരാ ഇത് ….എബി അല്ലിയോ…. ഈ വഴിയൊക്കെ ഓർമയുണ്ടോടാ ഉവ്വെ….”

“ഈശോ മിശിഹാകു സ്തുതിയായി ഇരിക്കട്ടെ അച്ചോ…..”

“കർത്താവേ സ്തോത്രം…. അപ്പൊ നിനക്കു ഇതൊക്കെ ഓർമയുണ്ട് അല്ലെടാ…. ആ ഇപ്പോഴും എപ്പോഴും സ്തുതിയായിരികട്ടെ….അല്ല എന്നാ ഇപ്പൊ ഇങ്ങോട്ട് വന്നേ….”

“അല്ല..അച്ചൻ എന്നെ തിരക്കിന്നു അമ്മച്ചി പറഞ്ഞരുന്നു…. അതോണ്ട് ഒന്നു കാണാൻ വന്നയാ….”

“ആ…. എന്നാ ഇപ്പൊ കണ്ടില്ലേ……ഇനി പോയി മക്കള് കുർബാന കൂടു…. ഞാൻ ദാ വരുന്നു….. പിന്നെ….. മുഴുവൻ കുർബാനയും കൂടി എന്നെ കണ്ടെച്ചുമേ പോകാവൂ….. ഇല്ലേ നിനക്കു എന്നെ അറിയവല്ലോ…..”