വിചാരണ[മിഥുൻ] 126

അതൂടെ കേട്ട് കലി തുള്ളിയ കിരൺ പെട്ടെന്ന് തിരിഞ്ഞു മുന്നോട്ട് നടക്കാൻ ആഞ്ഞപ്പോഴാണ് മുന്നിൽ ചക്ക വെട്ടിയിട്ട പോലെ അവള് വീണത്…

അത് പോലുള്ള ഇടിയാണ് കിരണിൻ്റെ ഭാഗത്ത് നിന്ന് അവൾക്ക് കിട്ടിയത്… പെട്ടെന്ന് തിരിഞ്ഞ കിരൺ അവളെ കണ്ടില്ലായിരുന്നു..

ആ ദേഷ്യത്തോടെ നടന്ന കിരണിൻ്റെ വേഗത അവൾക്ക് കണക്കു കൂട്ടി മാറാൻ സമയം കിട്ടിയില്ല…

അഭി ഓടി ചെന്ന് അവളെ പിടിച്ചെഴുന്നേൽപ്പിച്ചു… “എന്തേലും പറ്റിയോ കുട്ടീ…” അഭി അവളോട് ചോദിച്ചിട്ട് കിരണിനെ ഒന്ന് നോക്കി…

അവിടെ എന്താ സംഭവിച്ചത് എന്ന ഭാവത്തിൽ ഒന്നും മനസ്സിലാകാതെ കിരൺ ഫ്ലാറ്റ് ആയി നിൽക്കുവായിരുന്നു….

അവള് എഴുന്നേറ്റു നേരെ കിരണിൻ്റെ അടുത്തേക്ക് ചെന്നു കൈ മുഖത്തിന് നേരെ ആട്ടി “ഇവിടെയെങ്ങുമില്ലേ…” എന്ന് ചോദിച്ചു….

അപ്പോഴാണ് കിരണിനു സ്ഥലകാല ബോധം തിരിച്ചു കിട്ടി അവളെ നോക്കുന്നത്….