വസന്തം പോയതറിയാതെ -16 [ദാസൻ] 547

” അത് അത്ര വലിയ കാര്യമായി എനിക്ക് തോന്നിയില്ല ”

” ഇത് അറിഞ്ഞത് മുതൽ മോള് കരച്ചിൽ തന്നെയായിരുന്നു ”

അതാണ് ആ മുഖം വീർത്തിരുന്നത് അല്ലേ.

” ഈ വിവരം ആര് നിങ്ങളോട് പറഞ്ഞു ”

” മോള് ദിവസവും അമ്മയെ വിളിക്കാറുണ്ടല്ലോ, ആ പെൺകൊച്ച് പറഞ്ഞതാണ് ”

അപ്പോൾ അങ്ങനെയാണ് ഇവിടെ അറിഞ്ഞത്. ഞാൻ പറഞ്ഞു.

” വിചാരണയൊക്കെ കഴിഞ്ഞില്ലേ ഇനി ഭക്ഷണം കഴിച്ചിട്ട് ആകാം, എനിക്ക് നല്ല വിശപ്പുണ്ട് രാവിലെതന്നെ ഒന്നും കഴിക്കാതെയാണ് യാത്രതിരിച്ചത് ”

ചേട്ടത്തി പറഞ്ഞു

” ശരിയാണ് ഭക്ഷണം കഴിഞ്ഞു ഇനി ചർച്ച ”

ഏട്ടത്തി ഭക്ഷണം എല്ലാം എടുത്ത് ഡൈനിങ് ടേബിളിൽ വച്ചു. ഭക്ഷണത്തിനിടയിൽ അമ്മ വീണ്ടും ആ വിഷയത്തിലേക്ക് തന്നെ കടന്നു

” അവളുടെ അമ്മ പറഞ്ഞത്, നീ പറഞ്ഞിട്ടാണ് അവരുടെ മോളോട് പറയാതിരുന്നത് എന്നാണ്. ആ പെങ്കൊച്ചിനെ വിളിച്ചെങ്കിലും നിനക്ക് ഈ വിവരം പറയാമായിരുന്നല്ലോ ”

” അതിനും വേണ്ടി ഇവിടെ എന്താണ് നടന്നത്, ആ അമ്മയുടെ കാലൊന്ന് എല്ല് പൊട്ടി. ഡോക്ടറെ കാണിച്ച് നേരെ ഫാം ഹൗസിലേക്ക് കൊണ്ടുപോയി രണ്ടുദിവസം സുഖസുന്ദരമായി നോക്കുകയും ചെയ്തു. ഇത്രയല്ലേ എനിക്ക് ചെയ്യാൻ പറ്റും, അതും ഇപ്പോൾ ഒരു കുറ്റമായോ ”

” അതല്ലടാ, നീ ഒറ്റയ്ക്ക് ബുദ്ധിമുട്ടിയതിൽ ഗൗരിക്ക് നല്ല വിഷമം ഉണ്ട്. അതുകൊണ്ട് മോള് വിളിച്ചപ്പോൾ കരഞ്ഞു കൊണ്ടാണ് ഈ വിവരം പറഞ്ഞത്, അറിഞ്ഞിരുന്നെങ്കിൽ പ്രോഗ്രാമുകളൊക്കെ മാറ്റിവെച്ച് തിരിച്ച് വരുമായിരുന്നു എന്ന്. ”

ഞാൻ എങ്ങനെയോ കുറച്ചു ഭക്ഷണം കഴിച്ച് എഴുന്നേറ്റ് ഹാളിലേക്ക് വന്നു. കുറച്ചു കഴിഞ്ഞപ്പോൾ എല്ലാവരും ഹാളിലേക്ക് തിരിച്ചെത്തി. അമ്മക്ക് പഴയ പലവി തന്നെ

” നിന്നെക്കൊണ്ട് അവളുടെ അമ്മയെ നോക്കിച്ചത് വളരെ വിഷമമായിരിക്കുകയാണ്. ഈ മൂന്നു ദിവസം അമ്മാവന്റെ മക്കളെ വിളിച്ചിട്ട് ഫോൺ എടുത്തു പോലുമില്ല, അങ്ങനെയുള്ളപ്പോൾ നീ, ഒരു വാക്കുപോലും പറയാതെ മൂന്ന് ദിവസം അവരെ സുഖമായി നോക്കിയില്ലേ, അതിലാണ് അവൾക്ക് വിഷമം ”

” അതുകൊണ്ടെന്താ.കളക്ടർക്ക്, ഒരു കുഴപ്പവും കൂടാതെ പ്രോഗ്രാം അറ്റൻഡ് ചെയ്യാൻ സാധിച്ചില്ലേ ”

” അതെന്തായാലും നീ, ഇപ്പോൾ അവർക്ക് അന്യൻ അല്ലേ ”

” അതിന് ഞാനെന്തു വേണം എന്നാണ് അമ്മ പറയുന്നത്? എന്തിനാണ് എന്നെ വിളിച്ചു വരുത്തിയത്, നൂറുകൂട്ടം കാര്യങ്ങൾ കിടക്കുന്നതിനിടയിലാണ് ഞാൻ ഇങ്ങോട്ട് ഓടി വന്നത് ”

” ഞാൻ ആദ്യമേ തന്നെ പറഞ്ഞില്ലേ നീ വിവാഹം കഴിക്കണം ”

” ഞാൻ അതിനു മറുപടിയും തന്നു, എനിക്ക് എതിർപ്പില്ല എന്ന്. ഇനി ഏതു മങ്കയാണ് എന്നെ വിവാഹം കഴിക്കാൻ തയ്യാറായി വന്നിരിക്കുന്നത് ”

” വേറെ ആര്? ആ ഗൗരി തന്നെ ”

” അമ്മയ്ക്കും അച്ഛനും എത്ര കിട്ടിയാലും മതിയാകില്ലെങ്കിൽ എന്ത് ചെയ്യും? ഇതുപോലെ അമ്മയെയും അച്ഛനെയും മയക്കിയാണ് അമ്മയുടെ ആ പെൺകൊച്ച് നമ്മുടെ ഒന്നാന്തരം സ്ഥലം തട്ടിയെടുത്തത്. അതും പോരാതെ എന്നെ ഏതെല്ലാം തരത്തിൽ ഉപദ്രവിച്ചു, അതൊക്കെ മറന്ന് അമ്മക്കും അച്ഛനും കളക്ടറോട് താല്പര്യം ഉണ്ടെങ്കിൽ ഞാൻ എതിർക്കുന്നില്ല, നിങ്ങളുടെ ഇഷ്ടം പോലെ നടക്കട്ടെ, അല്ലേ മോളെ. മോൾക്കും അതുതന്നെയാണല്ലോ സന്തോഷം ”

മോള് തന്റെ അടുത്തേക്ക് വന്നു എന്നെ പുണർന്നുകൊണ്ട്