ചായയുടെയൊപ്പം ഒരു പത്രവുമായി വരാന്തയിലേക്ക് വന്നു  .കസേരയിൽ ചാഞ്ഞിരുന്നു കാൽ നീട്ടി വെച്ചു പത്രം വായിക്കാൻ തുടങ്ങി .

പതിവ് പോലെ  ആദ്യ പേജിൽ തന്നെ മനുഷ്യന്റെ എല്ലാ അനുരോധ ഊർജവും ഇല്ലാതാക്കുന്ന രീതിയിലാണ് വാർത്തകൾ .

തുടക്കം തന്നെ പോയി .

മനസ്സിലോർത്തു .

മന്ത്രിമാരുടെ അഴിമതികളും .പീഡന വീരന്മാരുടെ സാഹസിക കഥകളും , അവിഹിതങ്ങളും  ഒക്കെയായി രണ്ടു മൂന്നു പേജ് അങ്ങനെ പോയി .

അല്ലേലും ഈ ലോകം മാറില്ല .

പുച്ഛത്തോടെ ഓർത്തുകൊണ്ട് അടുത്ത വർത്തയിലേക്ക് കടന്നു .

ഒരു ചെറിയ പയ്യന്റെ ആത്മഹത്യയെ കുറിച്ചാണ് വാർത്ത .

തലക്കെട്ട് വായിച്ചപ്പോൾ തന്നെ തലകറങ്ങി പോയി .

പ്രേമ നൈരാശ്യം ആണ് കാരണം .

സാധാരണമാണല്ലോ എന്ന് കരുതി ബാക്കി വായിക്കാൻ തുടങ്ങി . എന്റെ കണ്ണ് മിഴിഞ്ഞു പോയി .

പയ്യന് 17 വയസ്സ് പ്രായം !

ഞാൻ വാ പൊളിച്ചിരുന്നു .

വാർത്തയുടെ കൂടുതൽ വിവരങ്ങൾ അറിയാനായി യൂ ട്യൂബിൽ തപ്പി .

അത്യാവശ്യം സാമ്പത്തികം ഒക്കെയുള്ള കുടുംബത്തിലെ കുട്ടിയാണ് .

അതിന്റെ അമ്മയുടെ കരച്ചിൽ മീഡിയകൾ വിശദമായി തന്നെ ക്യാമറയിൽ ഒപ്പിയെടുത്തിട്ടുണ്ട് .

” സിന്ധു “

അകത്തു നോക്കി അവളെ വിളിച്ചു .

വാർത്ത വായിച്ചു നിന്നിട്ട് ഒരു നിമിഷം അവൾ നെഞ്ചിൽ കൈവെച്ചുപോയി .