ലഹരി [ദേവദേവൻ] 87

ഒരു അമ്മയുടെ ആധിയാണോ ആവോ .
മോൻ പുറത്ത് പോയിട്ട് വന്നയുടനെ അവൾ അവനോട് എന്തൊക്കെയോ ചോദിക്കുകയോ പറയുകയോ ചെയ്തു .കൂടെ കുറെ ഉപദേശവും .

അവനാണേൽ അന്തംവിട്ട് നോക്കി നിൽക്കുവാണ് .

“ഈ അമ്മ ഇത് എന്തൊക്കെയാ അച്ഛാ പറയുന്നത് ?”

അവൻ വന്നു പരാതിയെന്നോണം എന്നോട് പറഞ്ഞു .

” നീ ഈ വാർത്ത വായിച്ചോ ? വായിച്ചു നോക്ക്  .’

അവനു നേരെ ഞാൻ പത്രം നീട്ടി .

” എന്ത് തോന്നാൻ . അവനു വട്ടാണ്  പ്രേമം പൊളിഞ്ഞെന്നും പറഞ്ഞു ആത്മഹത്യയാണോ ഒരു പ്രതിവിധി .”

അവൻ എന്നോട് ചോദിച്ചു .

” അവന് ശെരി എന്ന്  തോന്നിയത്  അതാവും മോനു .
പക്ഷെ അച്ഛന് ഒരു കാര്യം പറഞ്ഞു തരാനുള്ളത് . ഇന്നത്തെ കാലത്ത് ആളുകൾ മനസ്സുകൊണ്ട് ഒരുപാട് ദുര്ബലരാണ് .ചെറിയൊരു തോൽവി അല്ലെങ്കിൽ വിഷമം പോലും സഹിക്കാൻ ആരും തയ്യാറാകുന്നില്ല .  ജീവിതത്തെ പറ്റിയുള്ള കാഴ്ചപ്പാട് മാറേണ്ടിയിരിക്കുന്നു .
നമുക്ക് ഒരു ജീവിതമേയുള്ളു .
ഒരേയൊരു ജീവിതം .
അത് ആവുന്നത്ര ആസ്വദിക്കണം .
നിനക്ക് പറ്റുന്നിടത്തൊക്കെ പോണം . കാഴ്ചകൾ കാണണം . ഓരോ നിമിഷവും  അനുഭവിക്കണം . അതുപോലെ നിന്നെക്കൊണ്ട് ആവുന്നപോലെ മറ്റുള്ളവരെ സഹായിക്കണം . നിന്റെ ചുറ്റുമുള്ളവരെ സന്തോഷിപ്പിക്കണം .
അങ്ങനെ അങ്ങനെ ജീവിതം ജീവിച്ചു തന്നെ തീർക്കണം . നമ്മളെ തകർക്കാനും തളർത്താനുമൊക്കെ കാലം നോക്കും പക്ഷെ തളരരുത് . തോൽവികൾ ഒരുപാടുണ്ടാവും .പക്ഷെ തോൽവികൾ നിനക്ക് ജയിക്കാനുള്ള ചവിട്ട് പടിയാവും .