അവള് വണ്ടി മുന്നോട്ടെടുത്തു….

(തുടരുന്നു…..)

One Side Love 5

Author: മിഥുൻ | [Previous parts]

അനുവിൻ്റെ ഭാവവും മറ്റും കണ്ടപ്പോൾ അവളുടെ പുറകെ സ്വന്തം വണ്ടിയിൽ പോയാൽ മതിയായിരുന്നു എന്നൊരു തോന്നൽ എവിടെയോ ഉണ്ടായിരുന്നു…

ഞങ്ങളുടെ ഇടയിൽ എന്തിൻ്റെയോ ഒരു മതിൽ ഉള്ള പോലെ എനിക്ക് തോന്നി…
ഒരിക്കലും അടുക്കാൻ സമ്മതിക്കാതെ ആ മതിൽ ഞങ്ങളുടെ ഇടയിൽ ഉയർന്നു പൊങ്ങി നിൽക്കുന്നു… എന്തായാലും സംസാരിക്കാൻ പോവുകയല്ലേ… എല്ലാം ശരിയാകും എന്നൊരു പ്രതീക്ഷ…

ദീർക്ക ദൂര യാത്ര ആയിരുന്നു അത്… നഗരവും ഗ്രാമവും കടന്നു അത് മുന്നോട്ട് പോക്കൊണ്ടെ ഇരുന്നു.

അനു എന്നെ കൊണ്ട് പോയത് ഒരു വിജനമായ സ്ഥലത്തേക്കായിരുന്നു… വാഹനങ്ങളുടെ ശബ്ദമോ വീടുകളോ ഇല്ലാത്ത ഒരു സ്ഥലം..  വളരെ ശാന്തമായ ഒരു പച്ചപ്പരവതാണിക്ക് മുകളിൽ കരിയിലകൾ തീർത്ത ഒരു കവചം അണിഞ്ഞു നിൽക്കുന്ന ഒരു ഭൂമി… അവളുടെ ആ ഭാഗം അതിമനോഹരം ആയി കാണപ്പെട്ടു…

കിളികളുടെയോ നദികളുടെയോ ശബ്ദം പോലും ഇല്ലാത്ത ഒരു സ്ഥലം. ഒരു അന്യ നാട്ടുകാരിയായ അനുവിന് ഈ സ്ഥലം എങ്ങനെ അറിയാം എന്ന് ഞാൻ അൽഭുതപ്പെട്ടു.

അനു വണ്ടി നിർത്തി ഇറങ്ങി… ചുറ്റിനും മരങ്ങൾ… ഒത്ത നടുവിലൂടെ റോഡ് മുന്നോട്ട് പോകുന്നു.. വാഹനങ്ങൾ പോലും വളരെ വിരളമായി മാത്രം വരുന്ന ഒരു വഴി…