‍‍രുധിരാഖ്യം | rudhiraagyam- | Author : ചെമ്പരത്തി

[ Previous Part ]

 

 

 

ഇന്നത്തെ പാർട്ടിൽ ദയവായി അവസാന വാക്ക് വരെ വായിക്കുക.

 

 

 

 

 

അവയുടെയെല്ലാം തന്നെ വായിൽ ഓരോ മാംസകഷ്ണങ്ങൾ  ഉണ്ടായിരുന്നു. അവയിൽ നിന്നു രക്തം ഇറ്റുവീണുകൊണ്ടിരുന്നു.

കിട്ടാത്തവ അതിനു വേണ്ടി കടിപിടി കൂടുന്നുണ്ടായിരുന്നു.!!!

“ആആആആആ…….. ”

ആ കാഴ്ച കാണാനാവാതെ അലറിക്കൊണ്ട് ഇന്ദു തന്റെ കണ്ണുകൾ പൊത്തി.

 

 

 

(തുടർന്ന് വായിക്കുക…..)

 

 

 

 

 

ഏതാനും നിമിഷങ്ങളിലേക്ക് പതറിപ്പോയ അവൾ വർദ്ധിച്ച കോപത്തോടെ തന്റെ കൈനീട്ടിയതോടെ കയ്യിലേക്ക് വന്നുചേർന്ന ആയുധവുമായി
അവിടെ കൂട്ടംകൂടി നിൽക്കുന്ന ഭീകര ജന്തുക്കളുടെ പുറകിലേക്ക് പറന്നിറങ്ങി.

അവളുടെ ചിറകടിയിൽ പറന്നു പൊങ്ങിയ പൊടി ഒതുങ്ങും വരെ ഒന്നും വ്യക്തമായി കാണാൻ സാധിച്ചിരുന്നില്ല.

പൊടി ഒതുങ്ങിയപ്പോൾ തന്റെ നേരെ തിരിഞ്ഞു നിൽക്കുന്ന നിൽക്കുന്ന ഏഴോളം വരുന്ന  ഭീകര ജന്തുക്കളെ കണ്ടു അവൾ ഒന്നു നടുങ്ങി.

അവയ്ക്ക് പുലിയുടെ രൂപസാദൃശ്യവും ബലിഷ്ടമായ ശരീരവും  മത്സ്യത്തിൻ്റേതുപോലെയുള്ള നീണ്ട വാലും അതിനുമുകളിൽ തലമുതൽ വാലിന്റെ അറ്റംവരെ കൂർത്ത മുള്ളുകളും നീളമേറിയ രണ്ടു മീശ രോമങ്ങളും അതിന് പിന്നിലായി  ചെവി അടക്കം കൂടിച്ചേർന്ന് അതീവ നീളമേറിയ രണ്ട് കൊമ്പുകൾ പോലെയും നിന്നിരുന്നു.

ആ മൃഗങ്ങളുടെ പല്ലുകൾ വണ്ണം കുറഞ്ഞു നീണ്ടു കൂർത്ത്‌ അതീവ മൂർച്ചയേറിയ ആയിരുന്നു.



പൊടി ഒതുങ്ങി അവളെ കണ്ടതോടെ അവയെല്ലാം കൂടി അവൾക്ക് നേരെ തിരിഞ്ഞു. ഒരു നിമിഷം പകച്ച ഇന്ദു ഏതാനും ചുവടുകൾ പിന്നോട്ടോടിയതോടെ ആ മൃഗങ്ങളെല്ലാം കൂടി അവളുടെ പുറകെ പാഞ്ഞു.