രുധിരാഖ്യം -6 325

മാവിക, അത് വന്ന് തലയിൽ അടിച്ചതിന്റെ ശക്തിയിൽ ഒരുനിമിഷം ഉരുണ്ടു വീണു.

വീണെങ്കിലും വീണ്ടും അവൾ ചാടിയെഴുന്നേറ്റു ഗിരീഷിന് നേർക്ക് പാഞ്ഞു. അവളുടെ വലതു ചൂണ്ട് വിരലിലെ  നഖം നീണ്ട് കൂർത്ത് ബ്ലേഡ് പോലെ ആയി. വിരൽ കാരിരുമ്പിന് സമം ആയിരുന്നു.

പാഞ്ഞ് ഗിരീഷിന് സമീപത്തേക്ക് എത്തിയ അവൾ കുറച്ച് ദൂരത്ത് വെച്ച് ഉയർന്ന് ചാടി. ഇടതു കാൽ നീട്ടിപ്പിടിച്ച് വലതുകാൽ പിന്നോട്ട് മടക്കി ഉയർന്നു ചാടി ഗിരീഷിന്റെ അടുത്തെത്തിയ അവൾ കുന്തമുന പോലെ നീണ്ടു കൂർത്ത തന്റെ നഖവും വിരലും കൂടി ഗിരീഷിന്റെ ഹൃദയം ലക്ഷ്യമാക്കി  ആഞ്ഞു കുത്തി.

എന്നാൽ, അവൾ ഉയർന്നു ചാടിയ സമയം മുതലാക്കി ഓടി അവർക്കരികിലേക്ക് എത്തി, മാവികക്കും ഗിരീഷിനും ഇടയിലേക്ക് കയറിനിന്ന ഇന്ദുവിന്റെ നെഞ്ചു തുളച്ചാണ് മാവികയുടെ നഖവും വിരലും കൂടി കയറിപ്പോയത്.

“അമ് മ്…. മ്മേ…… ”

അലറി കരഞ്ഞു കൊണ്ട്  വെട്ടിവിറച്ച അവൾ അവിശ്വസനീയതയോടെ മാവികയെ നോക്കി. അതിനു തൊട്ട് പിന്നാലെ ഗിരീഷിന്റെ ആർത്തനാദവും അവിടെ മുഴങ്ങി…!!!!,

“ഇന്ദുട്ടീ….ഏട്ടന്റെ കുട്ട്യേ….. ”

ഇന്ദുവിൽ ആണ് തന്റെ ബ്ലേഡ് പോലുള്ള നഖവും വിരലും കൂടി കയറിയത് എന്നറിഞ്ഞ് മാവിക  ഒന്ന് ഞെട്ടി തന്റെ വിരൽ വലിച്ചൂരിയതോടെ മറിഞ്ഞ് പുറകോട്ട് വീണ ഇന്ദുവിനെ താങ്ങി നിലത്തേക്ക് ഇരുന്ന ഗിരീഷ് അവളുടെ മിഴിഞ്ഞ കണ്ണുകളിലേക്ക് നോക്കി കുലുക്കി വിളിച്ചു.

ഇന്ദുവിന്റെ കണ്ണുകളിൽ അപ്പോഴും അവിശ്വസനീയത  ആയിരുന്നു നിറഞ്ഞുനിന്നിരുന്നത്.

എന്താണ് ഭാവം എന്ന് വേർതിരിച്ചറിയാൻ കഴിയാത്ത മുഖത്തോടെ നിൽക്കുന്ന മാവികയെ അവൾ ദയനീയമായി