രാവണാസുരൻ(A Tale of Vengeance)[രാവണാസുരൻ Rahul] 190

കണ്ണാ ഇവനെ നീ എങ്ങനെ പൊക്കി ശ്യാം ചോദിച്ചു

കുറച്ചു സമയത്തിന് മുൻപ്….

രാവണിന്റെ നിർദ്ദേശപ്രകാരം ശ്യാം cctv ക്യാമറകൾ എല്ലാം ഹാക്ക് ചെയ്തു.രാവൺ ആഭ്യന്തര മന്ത്രി ശേഖരന്റെ വീടിനു പിന്നിലായി തന്റെ വാൻ പാർക്ക് ചെയ്തു.എന്നിട്ട് ഒരു ഡ്രോൺ ഉപയോഗിച്ച് നാല് തെർമൽ സെൻസറുകൾ വീടിന്റെ നാല് ഭാഗത്തും ഇട്ടു ആ സെൻസർ വഴി വീട്ടിൽ എത്രപേർ ഉണ്ടെന്നും അവർ എവിടെയൊക്കെ ആണെന്നും മനസ്സിലാക്കി.
ഋഷിയുടെ റൂമിൽ അവൻ ഉണ്ടെന്ന് ഉറപ്പ് വരുത്തിയ ശേഷം രാവൺ
മതില് ചാടി കോമ്പൗണ്ടിനുള്ളിലേക്ക് കേറി.
ഇലക്ട്രിസിറ്റി കണക്ഷൻ കട്ട്‌ ചെയ്ത് ജനറേറ്റർ കണക്ഷനും കട്ട് ചെയ്ത് safe ആയി ഉള്ളിൽ കേറി ഋഷിയുടെ റൂമിൽ എത്തി.തുറന്ന് കിടന്ന റൂമിൽ ശബ്ദം ഉണ്ടാക്കാതെ കേറി. ആ സമയം ഋഷി ചാർജിനു വച്ചിരുന്ന ഫോൺ എടുക്കാനായി എഴുന്നേറ്റു പിന്നിൽ ആൾപെരുമാറ്റം മനസ്സിലാക്കി ആരാണെന്ന് നോക്കാൻ തിരിഞ്ഞപ്പോ രാവൺ കഴുത്തിലെ ഞരമ്പിൽ കൈകൊണ്ട് വെട്ടി ഋഷിയെ അബോധാവസ്ഥയിലാക്കി.അവിടുന്ന് എടുത്തു കൊണ്ടുവന്നു മതില് ചാടി പുറത്തെത്തിയതും സെക്യൂരിറ്റി ഇലക്ട്രിസിറ്റി കണക്ഷൻ പുനഃസ്ഥാപിച്ചു.
രാവൺ ഋഷിയെ അവിടുന്ന് തിരിച്ചു ഗോഡൗണിൽ എത്തിച്ചു.

************************************

ശ്യാം വെള്ളം തളിച്ച് ഋഷിയെ എഴുന്നേൽപ്പിച്ചു. ഋഷിയുടെ മുന്നിലായി രാവൺ നിൽപ്പുണ്ടായിരുന്നു.

ആരാടാ നീ എന്തിനാ എന്നെ ഇവിടെ കൊണ്ടു വന്നത്.ഇത് എന്റെ ആൾക്കാർ അറിഞ്ഞാൽ ഉണ്ടല്ലോ നിന്നെ തുണ്ടം തുണ്ടമായി വെട്ടി കൊല്ലും.ബോധം വീണ്ടെടുത്ത ഋഷി മുന്നിൽ നിൽക്കുന്ന രാവണിനോടായി പറഞ്ഞു

അതിന് നീ ഇവിടുന്ന് പോകുന്നുണ്ടെങ്കിൽ അല്ലേ? നിന്റെ അവസാന നിമിഷങ്ങൾ എണ്ണപ്പെട്ടു കഴിഞ്ഞു.പിന്നെ ഞാൻ ആരാണെന്ന് ഞാൻ ഭൂതകാലത്തിൽ നിന്ന് വന്നവനാണ്.ഒരു ഏഴുവർഷം പിന്നിലേക്ക് പോ അവിടെ നിന്റെ വിശ്വാസവഞ്ചന ഏറ്റുവാങ്ങിയവരുടെ കൂട്ടത്തിൽ ഞാനും ഉണ്ട്.രാവൺ പറഞ്ഞു

ഹഹഹ എന്നോട് പകരം വീട്ടാനാണോ ഈ നായിന്റെ മോന്റെ കൂട്ടും പിടിച്ചു വന്നത് ശ്യാമിനെ നോക്കി ഋഷി പറഞ്ഞു

ഋഷി നിനക്ക് ഇപ്പോഴും എന്നെ മനസ്സിലായിട്ടില്ല അല്ലേ?കുഴപ്പമില്ല സമയമുണ്ടല്ലോ വഴിയേ മനസ്സിലായിക്കോളും.അപ്പൊ എങ്ങനാ നമുക്ക് കലാപരുപാടികളിലേക്ക് കടന്നാലോ? രാവൺ പറഞ്ഞു