രാവണാസുരൻ(A Tale of Vengeance)[രാവണാസുരൻ Rahul] 190

കണ്ണാ എന്താ ഈ എയർകണ്ടീഷണറിൽ ക്ലോറോഫോം വല്ലോം മിക്സ് ചെയ്തിട്ടുണ്ടോ?

ഹഹഹ ഇത് അതുക്കും മേലെ.ഇത് വളരെ സ്പെഷ്യൽ ആയിട്ടുള്ള ഒരു ഡ്രഗ് ആണ് ഇത് ശ്വസിച്ചാൽ ബോധം പോകും dosage അനുസരിച്ചു അബോധാവസ്ഥയിൽ കഴിയുന്ന സമയപരിധിയും കൂടും പക്ഷെ ഇതിന്റെ പ്രത്യേകത എന്നത് ഇത് തന്നെയാണ് ഈ drugന്റെ antidote അതായത് മറുമരുന്ന് jst ഈ ഡ്രഗ് വെള്ളത്തിൽ കലക്കി പഞ്ഞിയിൽ മുക്കി ശ്വസിച്ചാൽ തിരിച്ചു ബോധം വരും.എന്നാൽ ഇതിൽ കാർബൺ മോണോക്സൈഡിന്റെ സാന്നിധ്യം ഉള്ളത്കൊണ്ട് അധികമായി ശ്വസിച്ചാൽ കോമ സ്റ്റേജിലും അതിലും കൂടിയാൽ ഹാർട്ട്‌ അറ്റാക്കും ഉണ്ടാകും.ഈ എയർകണ്ടീഷണറിൽ ഇപ്പൊ 2ദിവസത്തേക്ക് ഒരാളെ അബോധാവസ്ഥയിൽ ആക്കാൻ ഉള്ള മരുന്നുണ്ട്.ഇത് 30സെക്കന്റ് ശ്വസിച്ചാൽ മതി.

പിന്നെ അൻവർ രണ്ടുപേർക്കും മ്മടെ മാസ്ക്ക് set ചെയ്യണം ഒന്ന് ആ ഡ്രൈവറിന്റെ മുഖം ഉള്ളത് പിന്നെ ഒന്ന് ദാ ഈ ഫോട്ടോയിൽ ഉള്ളത് ആരും നിങ്ങളെ തിരിച്ചറിയരുത്.

ആ ലാപ്ടോപ് മടക്കി ശ്യാമിനെ ഏൽപ്പിച്ചു

ശ്യാമേ ഈ ലാപ് നീ വച്ചോ ഇതിൽ ഞാൻ പോകുന്ന വഴി മാർക്ക്‌ ചെയ്തിട്ടുണ്ട്.ഞാൻ പോകുന്നതും വരുന്നതും ഒരു cctv യിലും പതിയരുത്.കമ്പ്യൂട്ടർ എഞ്ചിനീയർ പണി മറന്നോ എന്ന് നോക്കട്ടെ ഇല്ലേൽ വല്ല നല്ല പിള്ളേരെയും ഇനിയുള്ള പണി ഏൽപ്പിക്കാമല്ലോ? രാവൺ പറഞ്ഞു

ടാ മരമാക്രി അണ്ണാൻ മൂത്താലും മരംകേറ്റം മറക്കില്ല.ശ്യാം പറഞ്ഞു

ഹഹഹ ശ്യാമേ ഇപ്പോഴാ നീ പഴയ ഫോമിൽ വന്നത്. അപ്പൊ പണി തുടങ്ങാം അല്ലേ?

കണ്ണാ അപ്പൊ നിന്റെ പ്ലാൻ എന്താ? നീ ഋഷിയെ എങ്ങനെ ഇവിടെ എത്തിക്കും?

അതൊക്കെ ഞാൻ പ്ലാൻ ചെയ്തിട്ടുണ്ടെടാ നീ ധൈര്യമായിട്ട് പോ തിരിച്ചു വരുമ്പോൾ അവൻ മ്മടെ സ്ഥലത്ത് ഉണ്ടാകും.

എല്ലാം തീരുമാനിച്ചുറപ്പിച്ച് അതിന് വേണ്ട മുന്നൊരുക്കങ്ങളും നടത്തി അവർ മൂവരും രണ്ടു ദിശയിലേക്കായി യാത്രയായി

ശ്യാമും അൻവറും മാസ്ക് use ചെയ്ത് ആൾമാറാട്ടം നടത്തി റെയിൽവേ സ്റ്റേഷനിൽ പോകുന്നവഴിക്ക് ചന്ദ്രശേഖരന്റെ ഡ്രൈവറെ ആവശ്യത്തിന് കൈകാര്യം ചെയ്ത് ഡ്രൈവറെ അവർ വഴിയരികിൽ ഉപേക്ഷിച്ചു. ആ വണ്ടിയിൽ അൻവർ കേറി
റെയിൽവേ സ്റ്റേഷനിലേക്ക് തിരിച്ചു

അൻവറും ശ്യാമും പദ്ധതി പ്രകാരം തന്നെ ജാനകിയെ അബോധാവസ്ഥയിൽ ആക്കി അവർ പ്ലാൻ ചെയ്തതുപോലെ പഴയ വീട്ടിൽ എത്തിച്ചു.എന്നിട്ട് അവർ ഗോഡൗണിലേക്ക് എത്തി.ആ ഗോഡൗണിന്റെ ഗ്രൗണ്ട്ഫ്ലോർ പഴയൊരു ബോക്സിങ് കോച്ചിംഗ് സെന്റർ നടത്തിയിരുന്ന സ്ഥലം ആയിരുന്നു. അവിടെ രാവൺ ഋഷിയെ എത്തിച്ചിട്ടുണ്ടായിരുന്നു അവൻ അബോധാവസ്ഥയിൽ അവിടെ കിടപ്പുണ്ടായിരുന്നു