മെർവിൻ 3

 (Dead, but lives in another body)

---

Author : VICKEY WICK

 

Previous part                   Next part

 

ഇത് ഒരു ഹൊറർ ഫാന്റസി ഫിക്ഷൻ ആണ്. ഇതിനു മുൻപുള്ള ഭാഗങ്ങൾ മെർവിൻ എന്ന പേരിൽ നിങ്ങൾക്ക് സെർച്ച് ചെയ്താൽ ലഭിക്കുന്നത് ആണ്. മെർവിൻ എന്നത് മെയിൻ ഹെഡിങ് ഉം താഴെ കഥക്ക് മുൻപായി ഉള്ളത് ഏതു വ്യക്തിയെ കുറിച്ച് ആണോ നിലവിൽ പറയുന്നത് ആ ആളുടെ പേരും ആണ്. എന്തിനാണ് അങ്ങനെ എന്നു നിങ്ങൾക്ക് പോകെ പോകെ മനസിലാകും. കഴിഞ്ഞ കഥയുടെ അവസാന കുറച്ചു ഭാഗം കൂടി ചേർക്കുന്നു. എന്നാൽ ഇത് വായിച്ചാൽ അത് മുഴുവൻ ആയി വായിക്കുമ്പോൾ കിട്ടുന്ന ആസ്വാദന സുഖം നിങ്ങൾക്ക് ലഭിക്കുകയും ഇല്ല. അത് കൊണ്ട് നിങ്ങൾക്കു കഥ ഇഷ്ടമായാൽ ആദ്യ ഭാഗം മുതൽ വായിക്കുവാൻ ശ്രമിക്കുക.

 

(ജീവൻ ബ്രോ, സിദ്ധാർഥ് ബ്രോ, ഡി. ഡി ബ്രോ എന്നിവരുടെ സജക്ഷൻ പരിഗണിച്ച് ഇത്തവണ കൂടുതൽ പേജ് ഉൾപ്പെടുത്തിയിട്ട് ഉണ്ട്.)

 

ആ ശ്മശാനത്തിന്റെ മരവിപ്പ് അവന്റെ ഹൃദയമിടിപ്പിനെ പോലും നിശ്ചലമാക്കി. അവൻ സ്വപ്നത്തിൽ കണ്ട അതേ ശവപ്പറമ്പ് ആ ശ്മശാനത്തിന്റെ അപ്പുറത്ത് ആയി പഴകിപൊളിഞ്ഞ ഒരു കെട്ടിടവും കാണാം. അതും ഈ ശവപറമ്പിന്റെ ഭാഗമെന്ന പോലെ തോന്നി.

 

അങ്ങനെ നോക്കി നിൽക്കെ ഒരു ചോരപുരണ്ട കൈ ഏദന്റെ തോളത്തു സ്പർശിച്ചു. അവൻ ബോധമറ്റു നിലത്തു വീണു…

 

തുടരുന്നു…

 

ഏദൻ (ഭാഗം 3)

 

ഏദന് കണ്ണിൽ ഒരു തണുപ്പ് തോന്നി. അവൻ പതിയെ കണ്ണുതുറന്നു വീട്ടിലാണ്. ബെല്ല അവന്റെ മുഖത്തു വെള്ളം തളിക്കുന്നുണ്ട്. അവൻ എണീറ്റ് ഇരുന്നു. ജെയിം പറഞ്ഞു.