മെർവിൻ 2

 (Dead, but lives in another body)

---

Author : VICKEY WICK

 

Previous part                          Next part 

 

ഏദൻ (ഭാഗം 2)

 

പെട്ടെന്ന് ഒരു ബലൂൺ പൊട്ടുന്ന ശബ്ദം കേട്ട് അവൻ ഞെട്ടി. അതിനൊപ്പം ലൈറ്റും തെളിഞ്ഞു. 

“ഹാപ്പി ബർത്ഡേ ടൂ യൂ… ഹാപ്പി ബർത്ഡേ ടൂ യൂ…”

പാട്ടും കയ്യടികളും. ജെനി ഓടി വന്നു കെട്ടിപിടിക്കുന്നു. അവളുടെ വക എന്തോ കൊച്ചു സമ്മാന പൊതി കൊടുക്കുന്നു. ഹാൾ മുഴുവൻ അലങ്കരിച്ചിട്ട് ഉണ്ട്. അവർ കേക്ക് മുറിച്ചു. അന്ന് ഏദനു 10 വയസു തികഞ്ഞു. ആഘോഷങ്ങൾക്ക് ശേഷം ഡിന്നർ കഴിഞ്ഞ് എല്ലാവരും ഉറങ്ങാനായി പിരിഞ്ഞു. പരസ്പരം ഗുഡ്നൈറ്റ് പറയുന്നു. ഏദൻ മുറിയിൽ എത്തി. പുറത്തു നല്ല നിലാവുണ്ട്. അവൻ ജനാലാക്കു അരികിൽ എത്തി ചന്ദ്രനെ നോക്കി നിന്നു.ചന്ദ്രൻ എങ്ങോട്ടോ ഉള്ള യാത്രയിലാണ്. മേഘങ്ങൾക്ക് ഇടയിലൂടെ… എന്നും ഇങ്ങനെ യാത്ര മാത്രമേ കാണാൻ ഉള്ളു. ഒരിടത്തും എത്തി നിൽക്കുന്നതായി കാണുന്നില്ല. പിന്നെ എന്തിനാണ് ഇങ്ങനെ ഓടുന്നത്. ചിലപ്പോൾ കറുത്ത വവിന്റെ ആന്നാകും സ്ഥലത്തു എത്തുക. അതാകും കാണാത്തത്. ഗ്രഹങ്ങളെ കുറിച്ച് ഒക്കെ അത്യാവശ്യം ധാരണ ഉണ്ടായിട്ടും അവനു ഇങ്ങനെയൊക്കെ ചിന്തിക്കാൻ ആയിരുന്നു കൂടുതൽ ഇഷ്ടം. അങ്ങനെ ചന്ദ്രനെ നോക്കി നിൽക്കെ അവൻ താഴെ കുറ്റിക്കാടിന് അടുത്ത് ഒരു കാൽപെരുമാറ്റം കേട്ടു. അവൻ ഞെട്ടി ശബ്ദം കേട്ടിടത്തെക്കു നോക്കി. ഒരു വെളുത്ത ചെന്നായ അവനെ നോക്കി നിൽക്കുന്നു. അവിടെ ഉള്ള കാടുകളിൽ ചെന്നായ ഉള്ളതിനാൽ അവനു അത്ഭുതം തോന്നി ഇല്ല. എന്നാൽ അതിന്റെ പ്രതിമ പോലെ ഉള്ള നിൽപ്പും തുറിച്ച നോട്ടവും കുറച്ച ഭയപ്പെടുത്തുന്നത് ആയിരുന്നു. അധികം വൈകാതെ അത് നോട്ടം പിൻവലിച്ച് ചെറിയ കാടുകൾക്കു ഇടയിലേക്ക് നടന്നു മറഞ്ഞു. ഏദൻ ദീർഘമായി ഒന്നു നിശ്വസിച്ചു കട്ടിലിൽ കയറി കിടന്നു. തണുപ്പ് മാറ്റാനായി പതിയെ പുതപ്പ് എടുത്തു പുതച്ചു. കണ്ണുകൾ പതിയെ അടച്ചു.

 

“ഏദൻ വേഗം എണീറ്റു വന്നു കാപ്പികുടിക്കു. തണുപ്പുള്ള സമയം അല്ലെ, കാപ്പി ചൂടാറും മുൻപ് കുടിച്ചാൽ ഒരു ഉന്മേഷം ഉണ്ടാകും.”

 

അമ്മയാണ് ഏദൻ പതിയെ പുതപ്പിൽ നിന്നും ഊർന്നു ഇറങ്ങി. പല്ലുതേച്ചു കാപ്പികുടി തുടങ്ങി. 

 

അന്ന് ഒരു ശനിയാഴ്ച ആയിരുന്നു. ഏദൻ പതിയെ പുറത്തേക്ക് ഇറങ്ങി. അവൻ പുല്ലിൽ കൂടി നടക്കുമ്പോൾ ആ ചെന്നായയുടെ കാൽ പാടുകൾ കണ്ടു. നല്ല മഞ്ഞുണ്ടായിരുന്നതിനാൽ മണ്ണ് കുതിർന്നു ചെറിയ ചെളി ആയിരുന്നു. അതിനാൽ കാൽപാടുകൾ തെളിഞ്ഞ് കാണാം. പൈൻ മരക്കാടുകൾ കഴിഞ്ഞാൽ പിന്നെ കൊടും കാടാണ്. അവൻ നടന്നു നടന്നു പൈൻ കാടിന്റെ അറ്റത്ത്‌ എത്തി. താഴേക്കു ചെറിയ പുൽമൈതാനം ആണ്. അതു കഴിഞ്ഞാൽ കൊടും കാട് തുടങ്ങും. അവൻ പൈൻ കാടിന്റെ അവസാനത്ത്‌ എത്തി നിന്നു. ചെന്നായയുടെ കാൽപാടുകൾ താഴേക്കു പോകുന്നു. അത് ആ വലിയ വനത്തിലേക്ക് ആയിരിക്കും പോയിട്ട് ഉണ്ടാകുക. അവൻ തുടർന്ന് പോകാൻ മടിച്ചു നിന്നു. ആ വലിയ കാട്ടിലേക്ക് ഒറ്റക്ക് പോകാൻ അവനു ധൈര്യം വന്നില്ല. ഉടനെ പിറകിൽ നിന്നും ‘അമ്മ വിളിക്കുന്ന ശബ്ദം. ഒരുപാട് ദൂരത്തു നിന്നാണ്. അവൻ തിരികെ നടന്നു. 

 

അവൻ വീട്ടിലെത്തി. എല്ലാവരും കാപ്പി കുടിക്കുന്ന തിരക്കിലാണ്. ജെനി എന്തെല്ലാമോ എടുത്ത് പ്ലേറ്റിലേക്ക് ഇടുന്നുണ്ട്. ഇത്ര വലിയ ഭക്ഷണ പ്രിയ ആയിരുന്നിട്ടും അവൾക്കു തീരെ വണ്ണം ഉണ്ടായിരുന്നില്ല. ഏദന്റെ പപ്പയുടെ പേര് ജെയിംസ് എന്നായിരുന്നു. ചുരുക്കി ജെയിം എന്നു വിളിക്കും. അമ്മയുടെ പേര് ബെല്ല.