മാറ്റകല്യാണം 2?❤️ [MR WITCHER] 358

നല്ല കറുത്ത ഒരു പട്ടുസാരി ഉടുത്തു.. മുടിയൊക്കെ നന്നായിട്ടു കെട്ടി.. കണ്ണിൽ കണ്മഷിയും കാതിൽ ഒരു ജിമിക്കിയും നെറ്റിയിൽ ഒരുപാട് ചെറിയ പൊട്ടും ഒരു ചന്തന കുറിയും ആയി ക്ലാസ്സിൽ കയറിവന്ന സൗന്ദര്യ ശിൽപ്പം…

എനിക്കു അവരിൽ നിന്നും കണ്ണെടുക്കാൻ പറ്റിയില്ല….. ഞാൻ നോക്കി നിന്നു പോയി…

ഞാൻ ഇന്ത്യ മുഴുവൻ കറങ്ങി നടന്ന സമയത്തു ഒരുപാട് പെണ്ണുങ്ങളെ കണ്ടിട്ടുണ്ട്.. എന്നാൽ ഇത്രയും സൗന്ദര്യം ഉള്ള ഒരു പെണ്ണിനെ ഞാൻ കണ്ടിട്ടില്ല….

ഞാൻ ആ സൗന്ദര്യത്തിൽ ലയിച്ചു പോയ നിമിഷം.. പെട്ടന്നാണ് എനിക്കു ബോധം വന്നത്.. ഞാൻ ക്ലാസ്സിൽ ആണെന്ന കാര്യം ഓർത്തു.. ഞാൻ ടീച്ചറിന്റെ മുഖത്തു നോക്കിയപ്പോൾ അവർ ഞാൻ നോക്കിയിരുന്നത് കണ്ടു എന്ന് ഉറപ്പായി.. അവരും എന്റെ മുഖത്തു അപ്പോൾ നോക്കി നിന്നിരുന്നു..

ഞാൻ ആകെ വിളറിവെളുത്ത മുഖവുമായി നോട്ടം മാറ്റി.. എന്നിട്ട് ക്ലാസിനു ചുറ്റും നോക്കി ആരെങ്കിലും കണ്ടോ എന്നറിയാൻ ഭാഗ്യത്തിന് ആരും കണ്ടില്ല.. ഞാൻ പിന്നെയും പഴയത് പോലെ ഇരുന്നു.. ടീച്ചറിനെ കാണാൻ ആയി നോക്കി… കണ്ടാൽ വലിയ പ്രായം ഒന്നും തോന്നിക്കില്ല… ഏകദേശം എന്റെ പ്രായം വരുമായിരിക്കും.. ഞാൻ ആലോചിച്ചു.. എന്നാൽ കണ്ട മാത്രയിൽ തന്നെ എനിക്കു ഇഷ്ടം ആയി.. ഇതുവരെ ആരോടും തോന്നാത്ത ഒരു ആകർഷണം എനിക്കു ആ കണ്ണുകളിൽ കാണാൻ കഴിഞ്ഞു….ഞാൻ അലിഞ്ഞു പോകുന്ന പോലെ എനിക്കു തോന്നി..

ക്ലാസ്സിൽ എല്ലാവരെയും ഒന്നു നോക്കി ചിരിച്ചിട്ട് മിസ്സ്‌ പറഞ്ഞു.. ഇടയ്ക്കു എന്നെയും അവർ നോക്കുന്നുണ്ട്..

“ഹായ്… എന്റെ പേര് ആര്യ…. വീട് ഇവിടെ പാലക്കാട്‌ തന്നെ ആണ്… ഞാൻ ആണ് നിങ്ങളെ ഫിനാൻഷ്യൽ അക്കൗണ്ടിങ് പഠിപ്പിക്കാൻ പോകുന്നത് ഈ സെമസ്റ്ററിൽ..

അവൾ അവരെ സ്വയം പരിചയ പെടുത്തി…. എന്നിട്ട് എല്ലാംവരോടും സ്വയം പരിചയ പെടുത്താൻ പറഞ്ഞു. ഇത്തവണ ആദ്യം പെൺകുട്ടികൾ ആണ് പറഞ്ഞത്….. ഓരോരുത്തരായി അവരുടെ ഡീറ്റെയിൽസ് പറഞ്ഞു കൊണ്ടിരുന്നു…

എന്റെ ഊഴം എത്തിയപ്പോൾ ഞാൻ ഡീറ്റെയിൽസ് പറഞ്ഞു.. ഇത്തവണ ഞാൻ എന്റെ പ്രായവും കൂടി ചേർത്താണ് പറഞ്ഞത്.. എന്തിനാണെന്ന് പിടിയില്ല… മനസ്സിൽ അങ്ങനെ ആണ് തോന്നിയത്…. ഞാൻ എല്ലാം പറഞ്ഞപ്പോൾ ക്ലാസ്സ്‌ മുഴുവൻ ഒന്നു അമ്പരന്നു… അവർ എല്ലാം എന്നെ ബഹുമാനത്തോടെ നോക്കാൻ തുടങ്ങി… ഞാൻ നോക്കുമ്പോൾ ആര്യ മിസ്സിന്റെ മുഖത്തു ഒരു പ്രതേക ഭാവം കണ്ടു അത് എന്തിനാണെന്ന് പിടി കിട്ടിയില്ല… ഞാൻ എല്ലാം പറഞ്ഞു ചെയറിൽ ഇരുന്നു…