ബ്രോസ്… ആദ്യഭാഗം…. ശരിക്കും ഒരു പരീക്ഷണം നടത്തിയത് ആണ്…. ഹൊറർ ടൈപ് വഴങ്ങുമോ എന്നറിയാൻ ഉള്ള പരീക്ഷണം…. ഇല്ലെന്ന് മനസിലായി….

എങ്കിലും പൂർത്തിയാക്കുന്നു…. ഭ്രാന്ത് എന്ന എന്റെ ഷോർട്ട് സ്റ്റോറി….

ഇതെഴുതിയ എനിക്കാണ് ഭ്രാന്ത് എന്ന് തോന്നുന്നു എങ്കിൽ സംശയമില്ല…. നിങ്ങൾക്കാണ് ഭ്രാന്ത്…. ????

♥️♥️♥️♥️

ഭ്രാന്ത് 2 [ക്‌ളൈമാക്‌സ്]

Branth 2[Climax] | Author : Pravasi

Previous Part

View post on imgur.com

അമ്മൂട്ടിയെ പിടിച്ചു മലർത്തി കിടത്തിയെങ്കിലും അവൾ ഏതാനും നിമിഷത്തേക്ക് ഭയം കൊണ്ടു കണ്ണുകൾ ഇറുക്കി അടച്ചു കിടന്നു….

ഏതു നിമിഷവും തന്നിലേക്ക് അമരാവുന്ന ദംഷ്ട്രകളും നഖങ്ങളും പ്രതീക്ഷിച്ചു….

ആ കുഞ്ഞു ചുണ്ടുകൾ അപ്പോളും അർജ്ജുനൻ പത്തു ചൊല്ലികൊണ്ടേയിരുന്നു….

ഏതാനും നിമിഷങ്ങൾ കടന്നു പോയി… തനിക്കൊന്നും സംഭവിച്ചില്ലെന്ന് മനസിലായ അമ്മൂട്ടീ ഭയം കലർന്ന അതിശയത്തോടെ കണ്ണുകൾ ചിമ്മി തുറന്നു….

മുന്പിലെ ഭീകരരൂപം കണ്ടു അവൾ വീണ്ടും ഭയന്നു കണ്ണുകളടച്ചു….. പക്ഷേ ഒരു നിമിഷം കഴിഞ്ഞാണ് അവൾക്ക് മനസിലായത് ആ രൂപം തന്നെ ആ പാറയിൽ നിന്ന് എടുത്തുയർത്തിയിരിക്കുന്നെങ്കിലും ഒരുപദ്രവവും അത് തന്നോട് ചെയ്യുന്നില്ലെന്ന്… വീണ്ടുമവൾ പതിയെ കണ്ണു തുറന്നു….

അഴുക്കും ജഡയും പിടിച്ച താടിയും മുടിയും…. എന്തിന് ഇടക്കെപ്പോൾ ഒക്കെയോ വീണ ചെറു ചുള്ളികളും ഇലകളും പോലും തലമുടിയിൽ നിന്ന് എടുത്തു കളഞ്ഞിട്ടില്ല…

ശരീരം മൊത്തം പൊടിമണ്ണിന്റെയും ഏതൊക്കെയോ കറയുടെയും അഴുക്കാണ്… അത്പോലെ തന്നെ പാതികീറി നശിച്ചു തുടങ്ങിയ വസ്ത്രങ്ങളും…..

ആ കണ്ണുകൾ മാത്രം വല്ലാതെ തിളങ്ങുന്നുണ്ട്… ചത്ത ശരീരത്തിലെ ജീവനുള്ള കണ്ണുകളുടെ തിളക്കം….

“ഭ്രാന്തങ്കുട്ടൻ…”

ആ കുഞ്ഞു ചുണ്ട് മന്ത്രിച്ചു…..

“നിന്നെ ആനപ്പറമ്പിലെ ഭ്രാന്തൻ കുട്ടന് ഇട്ടു കൊടുക്കൂട്ടോ…”

പണ്ട് കുഞ്ഞായിരിക്കുമ്പോൾ കുറുമ്പ് കാണിക്കുമ്പോളും ഭക്ഷണം തിന്നാതിരിക്കുമ്പോളും അമ്മ പറയുന്ന വാക്കുകൾ മനസ്സിൽ തേടിയെത്തി… അത് ഒരു കെട്ട് കഥ മാത്രമാണെന്ന് പതിയെ മനസ്സിൽ ഉറപ്പിച്ചതാണ് ഇപ്പോൾ തെറ്റിയത്….

ഒരു നിമിഷം വൈകിയാൽ അമ്മയ്ക്കുണ്ടാവുന്ന ആധി എന്തിനാണെന്ന് ഇപ്പോൾ അവൾക്ക് മനസിലായി…. പെങ്കുട്ടി ആണ്… ഇങ്ങനെ ഓടി ചാടി നടക്കുന്നതൊക്കെ നിറുത്തണം എന്നു അമ്മ പറയുന്നതിന്റെ അർത്ഥവും അവൾക്ക് കുറെയേറെ മനസിലായി….