ഭ്രാന്ത് പാർട്ട്‌ 2 {ക്‌ളൈമാക്‌സ്} {അപ്പൂസ്} 2002

അവളടുത്തു ചെന്നതും അയാൾ അകന്നു മാറാൻ നോക്കി….

പക്ഷേ നനഞ്ഞുകുതിർന്ന ആ ഭ്രാന്തന്റെ ശരീരം തന്നോട് ചേർത്ത് പിടിച്ചു അവൾ….

ആ മഴയുടെ തണുപ്പിലും അവൾക്ക് പൊള്ളൽ അനുഭവപ്പെട്ടു…. ചുട്ടുപൊള്ളുന്ന പനി ഉണ്ടായിരുന്നു അയാൾക്ക്…

തന്റെ ചുരിദാർ ടോപ് ഉയർത്തി അവളയാളുടെ തല തൂവർത്തി….

ഷാൾ കൊണ്ടുപോതിഞ്ഞു അയാളെ തന്റെ മാറിന്റെ ചൂടിൽ കിടത്തി….

ഏറെ വൈകി അയാൾക്ക് അല്പം ആശ്വാസമായെന്ന് ഉറപ്പിച്ചാണ് അവൾ തിരിച്ചു പോയത്… അവളുടെ ഭാഗ്യം ആവണം… അമ്മ വരുന്നതിന് ഏതാനും നിമിഷം മുൻപേ അവൾ വീട്ടിൽ കയറി….

പക്ഷേ വീട്ടിൽ തിരിച്ചെത്തിയിട്ടും മഴ നനഞ്ഞു പനി പിടിച്ചു വിറയ്ക്കുന്ന അയാൾ അവളുടെ മനസ്സിൽ നിറഞ്ഞു നിന്നു….

ഉച്ച കഴിഞ്ഞപ്പോളേക്ക് മഴ വീണ്ടും ശക്തിയാർജിച്ചിരുന്നു… വീണ്ടുമവളുടെ മനസ്സിൽ ആകുലതകൾ മഴയിലേറെ ശക്തിയാർജിച്ചു….

അമ്മ അടുത്ത വീട്ടിലേക്ക് തിരിഞ്ഞ നിമിഷം…. അവൾ രണ്ടു കുടയും പനിക്കുള്ള ഏതാനും ഗുളികകളും എടുത്തു പുറത്തേക്ക് ഓടി….

പക്ഷേ…..

അമ്മൂട്ടി തിരിച്ചു വന്നില്ല!!!!

സമയം കടന്നുപോയി…. നാട്ടുകാർ അന്വേഷണം തുടങ്ങി….

ഒരുകൂട്ടം ആൾക്കാർ ആദ്യം അന്വേഷിച്ചത് വാവയുടെ അടുത്തായിരുന്നു…

ആനപ്പറമ്പിലേക്ക് അവൾ കയറാറുണ്ടെന്ന വിവരം അവൾ നൽകി….

അധികം വൈകിയില്ല…. ആനപ്പറമ്പിലേക്ക് ഇരച്ചുകയറിയ നാട്ടുകാരുടെ കൂട്ടം കാണുന്നത് അമ്മൂട്ടിയുടെ കുടയും ചൂടി കൂനിക്കൂടി ഇരിക്കുന്ന ഭ്രാന്തനെയാണ്…

പനി പിടിച്ചു തളർന്നിരിക്കുന്ന ഭ്രാന്തന്…. നല്ലൊരു ഇരയായി നാട്ടുകാർക്ക്…. ഞാനാണ് കൂടുതൽ തല്ലിയത് എന്ന് പറയാനുള്ള മത്സരം….

കടവായിൽ നിന്നും. മൂക്കിൽ നിന്നും ഒഴുകിയ രക്തം പോലും അവരെ തളർത്തിയില്ല… അമ്മൂട്ടിയെ പോലെ അയാളും ഒരു ജീവൻ ആണെന്ന് ആർക്കും അറിയില്ലായിരുന്നു…

കാരണം അവർക്കാർക്കും ഭ്രാന്തില്ലല്ലോ!!!!