ഭ്രാന്ത് പാർട്ട്‌ 2 {ക്‌ളൈമാക്‌സ്} {അപ്പൂസ്} 2002

അയാൾ ആ പുഴയിലെ പാറകെട്ടുകൾക്ക് ഇടയിലൂടെ അവളെയും കയ്യിൽ താങ്ങി ചാടി ഓടാൻ തുടങ്ങി….

നടക്കുമ്പോൾ പോലും ഏറെ സൂക്ഷിക്കേണ്ട ആ പാറക്കെട്ടുകളിലൂടെ ഒരു കാട്ടുപോത്തിനെ പോലെയുള്ള അയാളുടെ പ്രയാണം അവളെ വീണ്ടും ഭീതിയിലാഴ്ത്തി…. ഇനി ഒരുവീഴ്ച കൂടി???!!!! ഓർക്കാനാവാതെ അവളെ കണ്ണുകൾ ഇറുക്കിയടച്ചു….

പെട്ടന്ന് അയാൾ നിന്നു…

“ന്തേ വേനിണ്ടാ??”

“ങ്‌ഹു…”

“പിന്നെന്താ??”

“പേടി ആവണ്….”

“എന്നിയാ??”

“ങ്‌ഹു… പതുക്കെ പോയാ മതി… ഓടണ്ട….”

എന്തായാലും അയാളത് കേട്ട് പതുക്കെ സൂക്ഷിച്ചു അവളെയും കൊണ്ടു പുഴ മുറിച്ചു കടന്നു….

അവളുടെ വീടിന്റെ അടുത്തു വരെ അവളെ കൊണ്ടു ചെന്നു ഒരു വടി ഒടിച്ചു അവൾക്ക് നൽകി കൊണ്ടു അയാൾ പറഞ്ഞു…

“പശൂമ്പ കുത്താമ്മന്നൂന്ന് പറഞ്ഞാ മതിട്ടോ…”

അയാൾക്ക് നേരെ തല ഉയർത്താൻ മടിച്ചുകൊണ്ട് തല ആട്ടിയപ്പോൾ അയാൾ അവിടെ നിന്ന് തിരികെയോടി…

അയാൾ പോയി കഴിഞ്ഞതും അവൾ അയാൾ പോയ വഴിയിലേക്ക് നോക്കി… വല്ലാത്തൊരു നഷ്ടബോധമോ കുറ്റബോധമോ വന്നു നിറയുന്ന പോലെ… ആ മാങ്ങ വാങ്ങാമായിരുന്നു എന്ന് മനസ്സ് പറയുന്നത് പോലെ….

വീട്ടിലേക്ക് നടക്കുമ്പോളും അവളാകെ ചിന്തയിലായിരുന്നു… അയാൾക്ക് ശരിക്കും ഭ്രാന്തുണ്ടോ എന്ന്….

ചെറിയ നീരും വേദനയും വന്നത്കൊണ്ട് അതിനടുത്ത ദിവസം അവൾ പുറത്തേക്ക് ഇറങ്ങിയില്ല…. പിന്നെ ഏതാനും ദിവസങ്ങൾ അമ്മ വീട്ടിലുണ്ടായിരുന്നു….

വീണ്ടുമവൾ തനിച്ചായ ഒരു ദിവസം….

അമ്മൂട്ടിയെ തനിച്ചിരുത്താൻ അമ്മക്ക് ധൈര്യം പോരാ….. അപ്പുറത് ഉള്ള മാപ്ലാരുമായി നല്ല ചേർച്ചയിലുമല്ല…. വീണ്ടുമവൾക്ക് അനുമതി നൽകേണ്ടി വന്നു ജാനകിക്ക്… ഒപ്പം ചെറിയൊരു ഭീഷണി കൂടി നൽകി…