ഭ്രാന്തിക്കുട്ടി 4 [Hope] 717

……ഒരുപാട് അനുഭവിച്ചിട്ടുണ്ട് ആ കുട്ടി അതൊക്കെ അറിയാവുന്ന കൊണ്ടാ ഞാൻ നിന്നോട് പോയി ഒരു സോറി പറയാൻ പറഞ്ഞെ….. ”

“…. അപ്പൊ അതിനെ ആശുപത്രിയിലൊന്നും കൊണ്ടുപോയില്ലേ???…”

“…. മ്മ് കൊണ്ടുപോയി…. കുറച്ചു കാലം അവിടെ ചികിത്സ നടത്തി എല്ലാം മാറിയപ്പോഴാ വീട്ടിലേക്ക് കൊണ്ടുവന്നത്….

പക്ഷെ നമ്മുടെ നാട്ടിലിങ്ങനെയാണ് ഒരു തവണ പ്രാന്തു വന്നാ പിന്നെയവര് കാലാകാലം പ്രാന്തരായിരിക്കും…. ”

… പിന്നെ കുറച്ചു നേരത്തേക്ക് ഞാൻ നിശബ്ദനായിരുന്നു എന്ത് പറയണമെന്നോ എന്ത് ചെയ്യണമെന്നോ അറിയാതെ ഞാൻ നീണ്ട ചിന്തകളിലേക്ക് കടന്നു…..

രാവിലെ ഞാൻ അവളോട് പറഞ്ഞതെല്ലാം എന്റെ ചിന്ത വഴി കടന്നു പോയി…. അവളെ ഒരു ഭ്രാന്തിയെന്ന് വിളിച്ച നിമിഷം എന്നെ അനാഥനെന്ന് വിളിച്ച ചേച്ചിയുടെ കാമുകനും ഞാനും തമ്മിൽ എന്തെങ്കിലും വ്യത്യാസം ഉണ്ടോയെന്ന് എന്റെ മനസാക്ഷിയെന്നോട് ചോദിച്ചു….

എനിക്കതിനു തിരിച്ചു കൊടുക്കാൻ കൃത്യമായ ഉത്തരമില്ലായിരുന്നു….

പിന്നത്തെ രണ്ടു ദിവസത്തേക്ക് ഞാൻ വീടിന് വെളിയിലേക്കിറങ്ങിയില്ല മനസ്സ് മുഴുവൻ അവൾ നിറഞ്ഞു നിന്നു എന്റെ ചിന്തകൾ മുഴുവൻ അവളിലേക്കും അവളുടെ കണ്ണീരിലേക്കും ചുരുങ്ങി….

മൂന്നാം ദിവസം ഞാൻ കോച്ചിങ് ക്യാമ്പിൽ പോവാനിറങ്ങി അവളുടെ വീടിനു മുന്നിൽ സൈക്കിൾ നിർത്തി കുറച്ചു നേരം അവിടെ അവളെയും കാത്തു നിന്നു….

വീണ്ടും കാണാൻ പറ്റിയാൽ ഒരു തവണ കൂടി ക്ഷമ ചോദിക്കണം അന്നത്തെ പോലെയല്ല ആത്മാർത്ഥമായി കാലിൽ വീണാണെങ്കിലും….

വീണ്ടും കൂട്ടുകാരായാലോ എന്ന് ചോദിക്കണം