ഭ്രാന്തിക്കുട്ടി 4 [Hope] 717

അവൻ പറയുന്നതൊക്കെ കേട്ടു പൊട്ടനെ പോലെയിരിക്കുകയായിരുന്നെങ്കിലും അവൻ പറഞ്ഞതിൽ എവിടെയൊക്കെയേ ഒരു സത്യമുണ്ടായിരുന്നതായി എനിക്കു തോന്നി….

അവളെ ആദ്യമായി കണ്ടതു മുതൽ സ്ക്രീനിലെന്ന പോലെ എന്റെ മുന്നിൽ തെളിഞ്ഞു വന്നു…..

ആ നിമിഷത്തിൽ ഞാൻ തിരിച്ചറിയുകയായിരുന്നു അവളെ കാണാനുള്ള വരവ് കുറ്റബോധം കൊണ്ടല്ല പകരം എന്റെ ഉള്ളിൽ ഉണ്ടായിരുന്ന പ്രണയം കൊണ്ടായിരുന്നു എന്ന്………

“… എടാ പൊട്ടാ നീയിരുന്നുറങ്ങുവായിരുന്നോ???…”

“… അല്ലടാ ഞാൻ ആലോചിക്കുവാരുന്നു…”

“… എന്ത്????…”

“… നീ പറഞ്ഞ മൂങ്ങാ കുഞ്ഞിന്റെ കാര്യം….”

“…. ന്നിട്ട്??? എന്നാ കണ്ടു പിടിച്ചു… ”

“… നീ പറഞ്ഞതിലും കാര്യമില്ലാതെയില്ലടാ ….. അവളോടുള്ള എന്റെ സമീപനം വെറും കുറ്റബോധം കൊണ്ട് മാത്രമല്ലെന്നു എനിക്കും തോന്നിയിട്ടുണ്ട് …..

ഇന്നത്തെ കാര്യം എടുത്താൽ തന്നെ അവളെ കണ്ടപ്പോ വല്ലാത്ത സന്തോഷമായിരുന്നു എന്തോ തിരിച്ചു കിട്ടിയത് പോലെ…..

പക്ഷെ പലപ്പോഴും അവളോടുള്ള ഇഷ്ടം കുറ്റബോധം എന്ന പേരിൽ മറച്ചുവെക്കാൻ ഞാൻ ശ്രമിച്ചു അല്ലെ മനപ്പൂർവം മറന്നു കളഞ്ഞു…..

ഇപ്പൊ തുറന്നു പറയാം എനിക്ക് ആ ഭ്രാന്തിക്കുട്ടിയെ ഇഷ്ടമാണ്…..

പക്ഷെ എന്തൊക്കെ പറഞ്ഞാലും അവളൊരു പ്രാന്തിയല്ലേടാ…..”

അതു പറയുമ്പോൾ എനിക്ക് എന്നോടു തന്നെ വെറുപ്പു തോന്നിയിരുന്നു….

എന്നാൽ ഒരു ഭാഗത്തു നിന്ന് നോക്കിയാൽ ഞാൻ പറഞ്ഞതും ഒരു ശെരിയല്ലേ…..

ഒരു പ്രാന്തിയെ ആരെങ്കിലും ഇഷ്ടപ്പെടുമോ???… ഇനി ഇഷ്ടപ്പെട്ടാൽ തന്നെ മറ്റുള്ളവരുടെ കണ്ണിൽ അവൻ എങ്ങനെ വിലയിരുത്തപ്പെടും…..