ഭാഗ്യ സൂക്തം 04 [ഏക-ദന്തി] 95

ഞാൻ ഇന്ന് ക്‌ളാസിൽ അവളെ നിക്കുമ്പോൾ ഉണ്ടായ കാര്യങ്ങളും , മുടിയൻ വണ്ടി കൊണ്ട് വന്ന് അവളെ കണ്ട സംസാരിച്ചതും ഒക്കെ പറഞ്ഞു . അമ്മു എന്നാണ് അവളുടെ വിളിപ്പേര് എന്നും ഒക്കെ . ആനി പറഞ്ഞു , ശ്രീകുമാർ ഡോക്ടർക്ക് ഒരു ബുള്ളറ്റ് ഉണ്ട് . അതൊക്കെ മാർക്ക് ഉണ്ണിയേട്ടന്റെ അവിടെയാണ് സർവീസും മറ്റും എന്നൊക്കെ . 

പിന്നെ ആനി പറഞ്ഞു ” ഏട്ടാ നാളെ നമ്മുടെ ഗുണ്ടാ ബാസിൽ പെണ്ണ് കാണാൻ പോകുന്നുണ്ട് . പെണ്ണ് ഏട്ടന്റെ മുൻപേ ക്ലാസ് എടുത്തിരുന്ന ആ കുട്ടിയാണ് . റിംസി ഫാത്തിമ . കുട്ടിഅത്തൻ ഹാജിയുടെ രണ്ടാമത്തെ മകന്റെ  മൂത്ത മകളാണ് “

“ഏത് , നമ്മടെ ബാലവാടിലെ ടീച്ചറുടെ മകളല്ലേ , ഇച്ചാപ്പാന്റെ കാക്കുന്റെ മകൾ . ” ഞാൻ ചോദിച്ചു .

“അതെ  . ആ കുട്ടി ആക്സിഡന്റ് ആയി കിടക്കുകയാണ് . ബിനാസലി  കാക്കു ഇപ്പൊ നാട്ടിലുണ്ട് . തിരിച്ച് മലേഷ്യയില് പോണെനു മുന്നേ നിക്കഹ് നടത്തണം ത്രെ . ആക്സിഡന്റ് ശെരിക്കും ഒരു മർഡർ അറ്റംപ്റ് ആണ് ഏട്ടാ . അവളുടെ തന്തപ്പിടി ഇല്ലേ ഇംതിയാസ് , അയാള് ആ പെണ്ണിനെ വണ്ടി ഇടിപ്പിച്ചതാണ് . ഭാഗ്യം കൊണ്ട് അത് രക്ഷപ്പെട്ടു . ഇപ്പൊ കേസിലാണ് . അയാള് ഒരു കൊഴല് തട്ടിയ കേസില് ഇപ്പൊ ഉള്ളിൽ കിടക്കുകയാണ് . വീട്ടിൽ നിന്നിക്കെ അയാളെ എന്നോ അടിച്ചിറക്കി വിട്ടതാണ്  കുട്ടിഅത്തൻ ഹാജി . ” ആനി പറഞ്ഞു .

” സ്വന്തം മകളെ തന്നെ വണ്ടി പിടിപ്പിച്ചു കൊള്ളാൻ നോക്കുന്ന തന്ത . ഓനോക്കെ എന്തിന്റെ കേടാണ് ? ” ഞാൻ ചോദിച്ചു .

” ഇയ്യാളുടെ കയ്യിലിരിപ്പ് കാരണം ഇയാള്‍ക്ക് തറവാട്ടില്‍ നിന്നും ഒന്നും  കൊടുത്തിട്ടില്ല . ഇയാള്‍ക്കുള്ള ഷെയര്‍ ഒക്കെ ഇയാള്‍ടെ മക്കളുടെ  പേരില്‍ എഴുതി വെച്ചിരിക്കുകയാണ് . അതിന്റെ ദേഷ്യം അയാള്‍ക്ക് വീട്ടുകാരുമായി ഉണ്ട്  .”  ആനി പറഞ്ഞു .

ഇത് കേട്ടപ്പോൾ വല്ലാത്ത ഒരു മാതിരി ആയി . സ്വന്തം മകളെ തന്നെ വണ്ടി പിടിപ്പിച്ചു കൊള്ളാൻ നോക്കുന്ന തന്ത . അതും സ്വത്തിനു വേണ്ടി . തരാം താണ നാറി .