ഭാഗ്യ സൂക്തം 04 [ഏക-ദന്തി] 95

” ഡാ വിബി , പിന്നെ ഞങ്ങൾ അവിടെ തറവാട്ടിൽ ഒരു ചെറിയ ഷട്ടിൽ കോർട് ഇടുന്നുണ്ട് . ശ്രീലു നിന്റെ അഞ്ജുവിനോട് കളിക്കാൻ ഉണ്ടെങ്കിൽ വരാൻ പറഞ്ഞിട്ടുണ്ട് . അവൾ പഴയ ഡിസ്ട്രിക്ട് ലെവൽ ഒക്കെ കളിച്ച പ്ലേയർ അല്ലെ . നീയും വാ ഞങ്ങളും മമ്മിയും പപ്പയും ഒക്കെ ഉണ്ടാവും  ” അനു പറഞ്ഞു . 

” അതിനെന്താ രാവിലെ പറ്റിയാൽ  നോക്കാം വൈകിട്ടാണെങ്കിൽ ചിലപ്പോൾ എനിക്ക് പറ്റില്ല . ഇപ്പോൾ തന്നെ കണ്ടില്ലേ . ഓരോ ഡോക്ടർമാരെ കാണാൻ കാത്തു കെട്ടി കിടക്കണം . ചിലതിനാണെങ്കിൽ ഒടുക്കത്തെ ജാഡയും . കമ്പനിക്ക് ടാർഗറ്റ് എന്നും പറഞ്ഞു തുള്ളിയാൽ മതി . നമുക്കാണ് പാട് . ” അവൻ പറഞ്ഞു .

” നീ ഏതാ സെക്ഷൻ ” അനു ചോദിച്ചു .

” ഞാൻ ഗൈനക് ആണ് ഏട്ടാ . ഒരു കമ്പനിയിൽ ഇന്റർവ്യൂ കഴിഞ്ഞിട്ടുണ്ട് ഒരാഴ്ചയിൽ പറയാം എന്നൊക്കെ പറഞ്ഞിട്ടുണ്ട് . അതു കിട്ടിയാൽ ഭാഗ്യം . ചെറിയ പ്രൊമോഷനും കാണും . ” വിബി പറഞ്ഞു .

” ശെരി ഗുഡ് ലക് . നീ വന്ന കാലിൽ തന്നെ നിൽക്കാതെ പോയി കുളിച്ചു വാ . “ഞാൻ അവനെ പറഞ്ഞു വിട്ടു .

അവൻ കേറി പോയതും അനു ചോദിച്ചു . ” ഏട്ടാ ഇന്ന് ക്ലാസ് എന്തായി . ഇങ്ങളെ സ്വപ്ന സുന്ദരിനെ കണ്ടില്ലേ ?. “

” കണ്ടു ഡേ . പക്ഷെ ക്ലാസൊക്കെ എടുക്കുമ്പോൾ ലോലൻ പണിക്ക് നിക്കണതൊരു വല്ലാത്ത ഏർപ്പാട് തന്നെ ട്ടോ . നോക്കി നില്കണത് ആരെങ്കിലും കണ്ടാൽ മോശമല്ലേ ?” ഞാൻ കാര്യം പറഞ്ഞു . 

” പിന്നെ ഇയ്യതിന് മോശം ഒന്നും വിചാരിക്കണ്ട . വേണമെങ്കിൽ ഇപ്പൊ കൊറച്ചു പഞ്ചാരടിക്കാൻ നോക്കിക്കോ കെട്ടിക്കഴിഞ്ഞാൽ ഒന്നും നേരം ഉണ്ടാവില്ല . പറഞ്ഞില്ലാന്ന് വേണ്ട .” 

പഴയ കാമുകന്റെ ഉപദേശം . അനുഭവം ആണല്ലോ . ഡിഗ്രിക്ക് മണ്ണാർക്കാട് കോളേജിൽ ചേർന്നത് തന്നെ ശ്രീലുനെ കാണാൻ വേണ്ടിയാണ് . ഇതു നന്നായി അറിയുന്നത് എനിക്കണല്ലോ . അന്നാണെങ്കിൽ RX ഒരു മഞ്ഞ പെയിന്റ് ഒക്കെ അടിച്ച്‌ ” തല ” സ്റ്റൈലിൽ ‘ ഒ സോനാ ‘ പാടി അവളുടെ സ്‌കൂളിന്റെ മുന്നിൽ നിൽക്കും , അന്ന് ശ്രീലു പ്ലസ് ടു ആണ് . പിന്നെ അവളെ വീട്ടിൽ കോണ്ടാക്കി കഴിഞ്ഞാൽ ആണ് സാറ് തിരിച്ചു വരൂ . വല്യമാമന്റെ അളിയന്റെ മോളല്ലേ അതുകൊണ്ട് വീട്ടുകാർ വല്യ സീനൊന്നും ഇട്ടില്ല . രണ്ടിന്റേം പടിപ്പൊക്കെ കഴിഞ്ഞു ജോലി കിട്ടിയാൽ  തന്നെ കെട്ടിക്കും എന്ന് തീരുമാനിച്ചു  . 

അന്നാണെങ്കിൽ അച്ഛച്ചനും അച്ഛമ്മയും ഒക്കെ ഉണ്ട് . അതുകൊണ്ട് അവൻ തറവാട്ടിലാണ് . ഞാൻ ഡിഗ്രി ഫൈനൽ ഇയർ പാലക്കാട് വിക്ടോറിയ കോളേജിൽ , നിൽക്കുന്നത് ഹോസ്റ്റലിലും .  ഞാൻ പി ജി ക്ക് ബനാറസിൽ പോകുമ്പോൾ രണ്ടും ഒരേ കോളേജിൽ . പിന്നെ ലവും ഡ്യൂയറ്റ്  സോങ്ങും ഒക്കെ ആയിരുന്നു . ഒടുക്കം പെണ്ണ് ഡിഗ്രി കഴിയുമ്പോൾ  ചെക്കൻ അവിടെ തന്നെ പിജിയും കഴിഞ്ഞു ഇറങ്ങി . അവള് നേരെ LLB ക്ക് ചേർന്നു . ചെക്കൻ SI ടെസ്റ്റ് എഴുതി പോലീസ് ട്രെയിനിങ്ങും കഴിഞ്ഞു ഡ്യൂട്ടിക്ക് കേറി . അപ്പോൾത്തന്നെ രണ്ടിനെയും പിടിച്ച് കെട്ടിച്ചു . ഇനി എന്റെ ഊഴമാണ് . മൂദേവി അമ്മായിയുടെ മകൾ MBA ഷവർമയെ ( സൗമ്യ സോമനാഥൻ , പക്ഷെ സ്വയം പരിചയപ്പെടുത്തുന്നത്  സൗമ്യ S നാഥ് ,  MBA എന്നാണ്  ) കൊണ്ട് എന്നെ കെട്ടിക്കാനുള്ള ഒരു പ്ലാൻ ഇട്ടതാണ് അമ്മായി . പപ്പയും മമ്മിയും ആദ്യമേ അതിനു എതിർപ്പ് പ്രകടിപ്പിച്ചതിനാൽ ആ പ്ലാൻ അങ്ങനെ തന്നെ ” ജിയാ ചലേ … ജാഞ്ചലേ … മൂ**ലേ ” ആയി . ആ ദേഷ്യമാണ് അമ്മയ്ക്കും മക്കൾക്കും ഞങ്ങളോട് .