പറഞ്ഞതിലും നേരത്തെ എത്തിക്കാൻ പറ്റിയിട്ടുണ്ട്..ആ ഫ്ലോ പോകണ്ട എന്നു കരുതി വേഗത്തിൽ പോസ്റ്റ് ചെയ്യുന്നതാണ്..പേജുകൾ കുറവാണ്..കാരണം അധികം സമയം ഒന്നും കിട്ടിയിട്ടില്ല..അടുത്ത ഭാഗം വേഗത്തിൽ തന്നെ തരാം..

പിന്നെ നായികയുടെ പേര് ചില പേർസണൽ പ്രശ്നങ്ങൾ ഉള്ളതുകൊണ്ടു മാറ്റിയിട്ടുണ്ട്

---

                      പ്രേമം ❤️

                           EP : 05

                            Author : Vishnu 

                       PREVIOUS PART

---

 

ഞാൻ എഴുന്നേറ്റു അവളുടെ അടുത്തു മുട്ടുകുത്തി ഇരുന്നു…അവളുടെ വലത്തുകൈ  ഞാൻ കയ്യിൽ എടുത്തു..ആ കെട്ട് കണ്ടപ്പോൾ ഒരു സങ്കടം…

 

ഒരു നിമിഷം അവൾ ജീവിതം അവസാനിപ്പിക്കാൻ നോക്കി…അതെങ്ങാനും നടന്നിരുന്നെകിൽ ചിലപ്പോ എനിക്ക് എന്തു സംഭവിക്കും എന്നു എനിക് തന്നെ അറിയില്ല..

 

ഞാൻ ആ കയ്യിൽ ഉമ്മവച്ചു..

 

“ഡീ… നീ എന്നെ സ്നേഹിക്കുന്ന ഒരു ദിവസം വരുമെഡി..അതിനു എത്ര കാത്തിരിക്കേണ്ടി വന്നാലും സാരമില്ല.. ഞാൻ നിന്നെയും കൊണ്ടേ പോകു..”

 

അതും മനസ്സിൽ പറഞ്ഞു  അവളുടെ കവിളിൽ ഒരു ഉമ്മയും കൊടുത്തു ഞാൻ പിന്നെയും എന്റെ ബെഡിൽ കിടക്കാൻ പോയപ്പോഴാണ് ബാത്റൂമിന്റെ അടുത്ത് ഒരു നിഴൽ ഞാൻ കണ്ടത്…ഞാൻ അവിടേക്ക് നടന്നു…