പ്രേമം ❤️ 5 [Vishnu ] 361

നമ്മൾ സ്കൂളിന്റെ മുറ്റത്തേക്ക് എത്തിയതും ഒന്നു നിന്നുപോയി..എന്റെ ടീമും അവളുടെ കൂട്ടുകാരും അവിടെ ഇരിക്കുന്നു..

അവന്മാരുടെ മുഖത്ത് ഒരു കള്ള ചിരി ഉണ്ടായിരുന്നു…ഞാനും അവളും ചിരിച്ചുകൊണ്ട് അങ്ങോട്ടെക്ക് നടന്നു..

അവിടെയായിരുന്നു നമ്മുടെ ബന്ധത്തിന്റെ തുടക്കം..പിന്നീടുള്ള പതിനൊന്നാം ക്ലാസ് മുഴുവൻ നമ്മൾ അടിച്ചുപൊളിച്ചു നടന്നു…നമ്മുടെ ഗ്യാങിലേക്ക് നന്ദനയെയും കൂടി കൂടിയതോടെ നമ്മുടെ ഗ്യാങ്ങും വലുതായി..

ഇത് ഒന്നും സഹിക്കാതെ രണ്ടുപേർ ഇരിക്കുന്നത് നമ്മൾ കണ്ടിരുന്നില്ല

അവൾക്ക് അവൾ പോലും അറിയാതെ കുറച്ചു ആങ്ങളമാരെയും കിട്ടിയിരുന്നു..

അറിയാത്തത് ഭാഗ്യം ?

അങ്ങനെ കൊല്ല പരീക്ഷയുടെ അവസാന ദിവസം..അവളെ പ്രൊപോസ് ചെയ്യാൻ വേണ്ടി തീരുമാനിച്ച ദിവസം…അധികം വൈകരുത് എന്നു ഇവർ ഉപദേശിച്ചിരുന്നെങ്കിലും ഞാൻ അത് ചെയ്യാതെ ഇരുന്നത് അവളുമായി കൂടുതൽ അടുപ്പം ഉണ്ടാക്കാൻ ആയിരുന്നു..

അങ്ങനെ ഇനി എനിക്ക് പറയാം എന്ന കോണ്ഫിഡൻസ് കിട്ടിയതും രാത്രി മുഴുവൻ ഉറക്കവും കളഞ്ഞു എഴുതി ശരിയാക്കിയ ലൗ ലെറ്റർ കൊണ്ടു നമ്മുടെ സ്ഥിരം കേന്ദ്രമായ കുളത്തിന്റെ കരയിലേക്ക് പോയി..