നിഴലായ് അരികെ – 18 [ചെമ്പരത്തി] 779

“ദേവേട്ടാ…… പ്ലീസ് ടാ…… നിക്ക് വിശക്കുന്നുണ്ട് നല്ലോണം…..”

“അതിനിപ്പോ പേരയിൽ കയറാൻ ഒന്നും പോകണ്ട……..”
എന്നും പറഞ്ഞവൻ ബാഗ് വലിച്ചെടുത്തു…..
അതിൽ നിന്നു അഞ്ഞൂറ് ml ന്റെ ഒരു ടെൻഡർ കൊക്കനട്ട് ഐസ് ക്രീമും ഒരു പൊതി നിറയെ ഗ്രിൽഡ് ചിക്കനും പുറത്തെടുത്തു…..

“എല്ലാവർക്കും കൂടി മേടിച്ചതാണ്………….. പക്………….”

“അവർക്കു നാളെ മേടിച്ചു കൊടുക്കാം…. ആദ്യം ന്റെ വിശപ്പു മാറട്ടെ……”
പറഞ്ഞു തീർക്കാൻ സമ്മതിക്കാതെ അവൾ ഇടയ്ക്കു കയറി….

“നിനക്ക് പിന്നെ ആക്രാന്തം ഒട്ടും ഇല്ലാത്തോണ്ട് കുഴപ്പല്യ…….”

“നന്നായിപ്പോയി…..”
നന്ദനെ ഇളിച്ചു കാണിച്ചുകൊണ്ടവൾ ഓടിപ്പോയി കൈകഴുകി വന്നു തന്റെ ജോലി ആരംഭിച്ചു……
രണ്ടു പേരും കൂടി അരമണിക്കൂർ കൊണ്ട് ഭക്ഷണം എല്ലാം കഴിച്ചു, ആര്യ നേരെത്തേയെപ്പോഴോ റൂമിൽ കൊണ്ട് വച്ച വെള്ളവും കുടിച്ചു…..

പതിയെ ബെഡിലേക്ക് മറിഞ്ഞ നന്ദന്റെ, അരികിൽ അവന്റെ നെഞ്ചിൽ കൈവച്ചവളും ഉണ്ടായിരുന്നു……. പരസ്പരം വാക്കുകൾ കൊണ്ട് ഒന്നും സംസാരിച്ചില്ലെങ്കിലും, അവന്റെ നെഞ്ചിൽ ചിത്രം വരച്ചുകൊണ്ടിരുന്ന അവളുടെ വിരലുകൾക്ക് ഒരുപാടു പറയാനുണ്ടായിരുന്നു……..

കുറച്ചുനേരം അങ്ങനെ കിടന്നതോടെ നന്ദന്റെ കണ്ണുകളെ മയക്കം പിടികൂടി…… അധികം താമസിയാതെ തന്നെ നല്ല ഉറക്കത്തിലേക്കവൻ കൂപ്പുകുത്തി….

തന്റെ പ്രാണന്റെ പാതിയെ തനിക്കു സ്വന്തമായി കിട്ടിയെന്ന സന്തോഷം ആര്യയുടെ ഉറക്കത്തെ അവളിൽ നിന്നകറ്റി……