നാമം ഇല്ലാത്തവൾ [വേടൻ] 203

” വീട്ടിൽ ടീവി ഒന്നും ഇല്ലേച്ചി .. നേരത്തെ അപ്പുറത്തെ വീട്ടിൽ പോയി ഞാനും അഞ്ജുവും കാണും. ഒരീസം അവര് ഞങ്ങള് വരണ കണ്ട് ടീവി നിർത്തി… കംപ്ലയിന്റ് ആണെന്നും ഇനി കാണാൻ പറ്റില്ല എന്ന് പറഞ്ഞപ്പോ ഒരുപാട് സങ്കടം ആയി. വീട്ടിൽ നിന്ന് എന്തെങ്കിലും കൊടുപോവൊന്ന് പേടിച്ചയിരിക്കും .. അതിപിന്നെ ടീവി ഒന്നും കാണാറില്ല ”

അവൾ അത് ചിരിയോടെ പറഞ്ഞു നിർത്തിയപ്പോ… എന്റെ തൊണ്ട വരണ്ടു ഇങ്ങനെ ഒരു അവസ്ഥാ പറഞ്ഞു കേട്ടിട്ടേ ഉള്ളു .. അത് ഇത്രയും ഭയാനകം ആണെന്നറിഞ്ഞില്ല

അമ്മ സാരിയുടെ തലപ്പുകൊണ്ട് കണ്ണുതുടക്കുന്നത് ഞാൻ കണ്ട്

” അത് അന്നല്ലേ.. ഇന്ന് നി എന്റെ മോന്റെ ഭാര്യയാണ് നിനക്ക് ഒരു കുറവും അവൻ വരുത്തില്ല അത് ഈ അച്ഛന്റ്റെ വാക്കാണ് ”

തൊട്ട് പുറകിൽ നിന്നച്ചന്റെ വാക്ക് വന്നതും അവൾ ചാടി എണ്ണിറ്റ് അച്ഛൻ അവളെ അവിടെ ഇരുത്തി അകത്തേക്ക് പോയി… പുള്ളി അല്ലേലും അതികം സംസാരം ഇല്ല .. ഇന്നാട്ടിലെ ബിലാൽ ഇക്ക ആണ്….

” നി നേരത്തെ ചോദിച്ചില്ലേ സജി ആരാന്നു… ഈ വീട്ടിലെ സജിയാണ് ആ പോണത്…. ”

അവളോട് അത് പറഞ്ഞപ്പോ ഏട്ടത്തി യും അവളും അമ്മയും ചിരിക്കുന്നത് കണ്ട് എനിക്ക് ഒരുപാട് സന്തോഷം തോന്നി

” ടാ.. ടാ അജു നിനക്ക് കുടണുണ്ട്… ”

എന്റെ കൈയിൽ പതിയെ അമ്മ തല്ലി അത് പറഞ്ഞു അച്ഛന്റ്റെ പുറകെ നടന്നു

” നിനക്ക് എന്നാ ഇനി പോണ്ടേ… ”

” നാളെ കഴിഞ്ഞു… ഒന്നും പറയാതെ ആണല്ലോ വന്നേ … ദൈവമേ അവന്മാര് എന്നെ കൊല്ലും ”